Petropavl qalasynyń 22 jastaǵy turǵyny asa iri mólsherdegi sıntetıkalyq esirtkimen ustaldy, dep habarlaıdy Egemen.kz Polisia.kz-ke silteme jasap.
SQO PD esirtki qylmysyna qarsy is-qımyl basqarmasynyń qyzmetkerleri Mıchýrın kóshesinde sıntetıkalyq esirtkini jasyryn jerge salyp júrgen 22 jastaǵy azamatty ustady.
Jigitten untaq tárizdes zatpen 36 polımerlik túıinshek tárkilendi. Saraptama qorytyndysyna sáıkes, 21 túıinshekte mefedron psıhobelsendi zaty, 15 danasynda «tuz» dep atalyp júrgen α-PvP zaty bolǵan. Alynǵan zattardyń jalpy salmaǵy 28,08 gramdy qurady, bul asa iri mólsherge jatady.
Atalǵan fakti QR QK-niń 297-babynyń 3-bóligi boıynsha sotqa deıingi tergep-tekserýlerdiń biryńǵaı tiziliminde tirkeldi. Qazirgi ýaqytta is materıaldary sotqa jiberildi.
«Jyl basynan beri oblysta esirtki satty degen kúdikpen 35 adam ustaldy. Tájirıbe kórsetkendeı, orta eseppen bes esirtki taratýshynyń tórteýi sıntetıkalyq esirtkimen aınalysady. Esterińizge sala keteıik, QR QK-niń 297-babynyń sanksııasyna sáıkes ótkizý maqsatynda esirtki saqtaǵany úshin 10 jylǵa deıin, iri mólsherde – 12 jylǵa deıin, asa iri mólsherde 15 jylǵa deıin bas bostandyǵynan aıyrý jazasy kózdelgen», dedi SQO PD esirtki qylmysyna qarsy is-qımyl basqarmasynyń bastyǵy Ivan Terzıdı.