Nurjan Áltaevtyń asa iri kólemde para alǵany rastalyp, ýaqytsha ustaý ızolıatoryna qamaldy, dep habarlaıdy Egemen.kz.
7 maýsymda Sybaılas jemqorlyqqa qarsy qyzmet jasyryn is-sharalar kesheniniń nátıjeleri boıynsha eks-vıse-mınıstr N.B. Áltaevty asa aýyr jemqorlyq qylmys jasady degen kúdikpen ustaǵan bolatyn.
N.B. Áltaev «Atameken» UKP Basqarma tóraǵasy A.I. Myrzahmetovke «Eńbek» memlekettik baǵdarlamasy boıynsha memlekettik tapsyrysty alýǵa járdemdesý úshin 2018-2019 jyldar aralyǵynda QR Eńbek jáne halyqty áleýmettik qorǵaý vıse-mınıstri bola tura, júıeli túrde para retinde aı saıyn 5 000 AQSh dollary mólsherinde aqsha qarajatyn aldy degen kúdikke ilingen.
Aıyptalýshy 2020 jylǵa deıin asa iri kólemde, jalpy somasy 135 000 AQSh dollaryn qaltasyna basqan.
Antıkor qylmys jasyryn tergeý áreketteriniń nátıjelerimen, tıisti qujattarmen, zattaı dáleldemelermen, barlyq qatysy bar adamdardyń aıǵaqtarymen jáne istiń basqa materıaldarymen rastalǵanyn málimdedi.
Jınalǵan dáleldemelerdi eskere otyryp, prokýratýra organdarynyń kelisimi boıynsha Áltaevtyń áreketteri QR QK 366-baby 4-bóligi boıynsha saralanyp, Astana qalasy polısııa departamentiniń ýaqytsha ustaý ızolıatoryna qamaldy.
Sondaı-aq QR QPK 201-babyna sáıkes tergeý múddesi úshin ózge aqparat jarııa etýge jatpaıtynyn aıtty.
Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.