Memleket basshysy Qasym-Jomart Toqaev Pákistan Premer-mınıstri Shahbaz Sharıfpen telefon arqyly sóılesti, dep habarlaıdy Egemen.kz Aqordanyń baspasóz qyzmetine silteme jasap.
Pákistan tarapynyń bastamasy boıynsha Qasym-Jomart Toqaev pen Shahbaz Sharıf telefon arqyly sóılesti. Taraptar Qazaqstan men Pákistan arasyndaǵy saýda-ekonomıkalyq yntymaqtastyqtyń perspektıvalaryn talqylady.
Sondaı-aq eki el arasyndaǵy ózara saýda-sattyqtyń qarqyndy damyp kele jatqany jáne túrli saladaǵy yntymaqtastyqtyń keńeıe túskeni atap ótildi.
Taraptar ekijaqty qatynastardy odan ári nyǵaıtýǵa múddeli ekenin taǵy da rastady.
Áńgimelesý sońynda Premer-mınıstr Shahbaz Sharıf Prezıdent Qasym-Jomart Toqaevty Pákistanǵa ózine yńǵaıly kez kelgen ýaqytta resmı saparmen kelýge shaqyrdy.