Prezıdent Qasym Jomart Toqaev aldaǵy jyldardaǵy el damýyn aıqyndaıtyn konstıtýsııalyq zańdar toptamasyna qol qoıdy, dep habarlaıdy Egemen.kz.
Olardyń qatarynda jýyrda Parlament ekinshi oqylymda qabyldaǵan «Qazaqstan Halyq Keńesi týraly» Konstıtýsııalyq zań jobasy da bar. Qazaqstan Halyq Keńesin qurý bastamasyn Prezıdent Qasym-Jomart Toqaev 2026 jyly Qyzylordada ótken V Ulttyq quryltaıda usyndy.
Ashyq ári ınklıýzıvti memlekettik basqarýdy damytýǵa baǵyttalǵan jańa memlekettik organǵa ishki saıasattyń negizgi baǵyttary boıynsha usynystar ázirleý, Quryltaıǵa zań jobalaryn engizý, jalpyhalyqtyq referendým ótkizý týraly bastama kóterý, sondaı-aq memleket pen azamattyq qoǵam arasyndaǵy dıalogty qamtamasyz etý ókilettikteri beriledi. Sonymen qatar, oǵan Álemdik jáne dástúrli dinder kóshbasshylarynyń sezin uıymdastyrý jáne ótkizý fýnksııasy júktelip otyr.
Parlament «Qazaqstan Halyq Keńesi» týraly zańdy maquldady
Sonymen qatar zań boıynsha Qazaqstan Halyq Keńesiniń naqty uıymdastyrýshylyq modeli qalyptasady. Negizgi máseleler boıynsha sheshim qabyldaıtyn Sessııa onyń joǵarǵy organy bolady. Jekelegen naqty baǵyttardy pysyqtaý úshin turaqty jáne ýaqytsha komıtetter, salalyq komıssııalar men jumys toptaryn qurý kózdelip otyr. Al jumysty uıymdastyrýshylyq jáne taldamalyq turǵyda qoldaýdy memlekettik organ retinde qurylatyn Qazaqstan Halyq Keńesiniń Hatshylyǵy qamtamasyz etedi.
Qazaqstan Halyq Keńesine óńirlik qoǵamdyq keńestermen tyǵyz baılanysta jumys istep, azamattardyń jergilikti deńgeıdegi máselelerin ortalyq deńgeıge jetkizetin jáne olardy naqty sheshimderge aınaldyrýǵa múmkindik beretin tıimdi keri baılanys tetigi retinde qyzmet atqarady.
Prezıdent, Quryltaı jáne Halyq Keńesi: Toqaev jańa zańdarǵa qol qoıdy
Keńeske18 jastan asqan, qoǵamdyq tájirıbesi bar, sottylyǵy men sybaılas jemqorlyq faktileri joq Qazaqstan azamattary múshe bola alady.
Eske sala keteıik, keshe Senat spıkeri Máýlen Áshimbaevtyń tóraǵalyǵymen palata otyrysynda joǵary palata ókilderi jańa Konstıtýsııany iske asyrýǵa baǵyttalǵan birqatar zańdy maquldady.