Bul qyzmetke Qaıyrbek Súleımenov qaıta saılandy, dep jazady Egemen.kz qordyń baspasóz qyzmetine silteme jasap.
2023 jyldyń 12 maýsymynda «Qazaqstan halqyna» qoǵamdyq qory Qamqorshylyq keńesiniń kezekti otyrysy ótti.
«Qamqorshylyq keńes tóraǵasynyń ókilettik merziminiń aıaqtalýyna baılanysty, Qor Jarǵysynyń 5.6-tarmaǵyna sáıkes ashyq daýys berý nátıjesinde Qaıyrbek Súleımenov bir aýyzdan «Qazaqstan halqyna» qoǵamdyq qory Qamqorshylyq keńesiniń tóraǵasy bolyp qaıta saılandy», delingen habarlamada.
Qaıyrbek Súleımenov - kórnekti memleket jáne qoǵam qaıratkeri, Halyq qaharmany, «Atameken» UKP Kásipkerlerdiń quqyǵyn qorǵaý jáne sybaılas jemqorlyqqa qarsy is-qımyl keńesiniń tóraǵasy. 2022 jyldyń qańtarynan bastap Qordyń Qamqorshylyq keńesiniń múshesi, 2022 jyldyń maýsymynda Qamqorshylyq keńestiń tóraǵasy bolyp saılandy.
Bul rette Qamqorshylyq keńes - Qordyń joǵary basqarý organy ekenin aıta ketken oryndy. Qamqorshylyq keńes Qor qyzmetiniń strategııalyq baǵyttary men onyń mindetterin aıqyndaıdy, bıýdjetti bekitedi, basqa da baqylaý jáne uıymdastyrý fýnksııalaryn júzege asyrady. Qamqorshylyq keńes músheleri óz qyzmetin qoǵamdyq negizde atqarady.