Almaty oblysy boıynsha Cybaılas jemqorlyqqa qarsy qyzmet Almaty qalasy men Almaty oblysy boıynsha patrýldik polısııanyń 7 qyzmetkerine qatysty sotqa deıingi tergeýdi aıaqtady, dep habarlaıdy Egemen.kz vedomstvonyń baspasóz qyzmetine silteme jasap.
«Olar birneshe ret para aldy degen kúdikke ilindi. Polıseıler jol qozǵalysy erejelerin buzǵan azamattardy ákimshilik jaýapkershilikke tartpaı, zańsyz aqshalaı syıaqy alǵan. Sonymen qatar ınspektorlar joldarda is júzinde quqyq buzýshylyq jasamaǵan azamattardyń aqshasyn alaıaqtyq jolmen ıemdengen. Qazirgi ýaqytta qylmystyq istiń materıaldary sotqa joldandy», delingen habarlamada.
Qylmystyq prosestik kodekstiń 201-babyna sáıkes tergeý múddesine oraı ózge aqparat jarııa etilmeıdi.
Sonymen qatar Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik Kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.