«Qazsport» telearnasyna – 10 jyl

«Qazsport» telearnasy «Qa­zaq­stan» respýblıkalyq teleradıo­kor­porasııasynyń quramynan 2013 jyldyń 1 shildesinen bastap kórer­menge jol tartqan bolatyn. Osy ýaqyt aralyǵynda arnanyń habar taratý kólemi 66 723 saǵatqa jetip, kó­rer­men nazaryna 15 myń translıasııa usynǵan.

Aqparat jáne qoǵamdyq damý mınıstri Darhan Qydyráli elimizdegi tuńǵysh sport telearnasyn alǵashqy belesimen quttyqtaı otyryp, bıyl sport jýrnalıstıkasyna erekshe kóńil bólingenin atap ótti. 

«Qazsport» 10 jyldyń ishinde úlken belesten ótti. Sporttyq jarystardy taratyp qana qoımaı, sporttyq rýhtyń baıraǵyna aınaldy. Biz sport jýrnalıstıkasyna erekshe kóńil bólip otyrmyz. Bıylǵy «Tumar» báıgesine tuńǵysh ret sport jýrnalıstıkasy boıynsha atalym qosyldy. Aramyzdan erte ketken Amangeldi Seıithan atyndaǵy atalymǵa laıyq  mamandar osy telearnadan da shyǵady degen oıdamyn», dedi mınıstr.

Al Mádenıet jáne sport mınıstri Ashat Oralov patrıotızmdi damytýda otandyq sporttyń róli erekshe ekenin aıtty.

«Patrıotızmdi damytýda sporttyń orny erekshe. Kók Týymyzdy jeńis tuǵyrynan jelbiretetin de, Ánura­ny­myzdy shyrqatatyn da bizdiń sport­shylar. Al olardyń jeńisin «Qazsport» telearnasy arqyly nasıhattap, jas býynnyń boıyna otansúı­gishtik qasıetti darytamyz. 10 jyl­dyq­taryńyz qutty bolsyn!», dedi ol.

Merekelik keshke Olımpııa oıyn­darynyń júldegeri Dáýlet Turly­hanov, bokstan Olımpıada chempıo­ny Serik Sápıev, bokstan álem chempıony Sanjar Táshkenbaı, aýyr atletıkadan tórt dúrkin álem chempıony Ilıa Ilın, short-trekten Álem kýboginiń júldegeri Abzal Ájiǵalıev, kórkem gımnastıkadan halyqaralyq dárejedegi sport sheberi Anna Alıabeva qatysyp, «Qazsport» arnasyn mereıtoıymen quttyqtady.

Jıynda «Qazaqstan» telera­dıo­korporasııasynyń basqarma tóraıymy Lázzat Tanysbaı arnanyń búgingi baǵyt-baǵdary men aldaǵy jos­parlary týraly atap ótti.

«10 jyl ishinde arna sport jýr­nalısteriniń, sport kommen­tatorlarynyń ustahanasyna aınaldy, olardyń kásibı shyńdalýyna zor úles qosty. «Qazsport» arnasynyń negizgi maqsaty – otandyq kórermenderdi respýblıkalyq, halyqaralyq, álemdik jarystardyń translıasııasymen qamtý, sonymen qosa qazaqstandyqtardy salaýatty ómir saltyna baýlı otyryp, kishkentaı kórermenderimizdiń arasynan sport juldyzdarynyń, bolashaq chempıondardyń shyǵýyna yqpal etý. Alda  sport jankúıerlerine bıylǵy XIX Jazǵy Azııa oıyndaryn, kelesi jylǵy XXXIII Jazǵy Olımpııa oıyn­daryn, fýtboldan 2024 jylǵy Eýropa chempıonatyn kórsetý bo­ıynsha kelissózder júrgizilip jatyr», dedi Basqarma tóraıymy.

Qazirgi tańda «Qazsport» telearnasy táýligine 18 saǵat habar taratady. Telearna sporttyq trans­lıasııalardan bólek, «Sport Review» aqparattyq-saraptamalyq baǵdar­la­masyn,«Qazsport alańy» tok-shoýyn, el fýtbolyna arnalǵan «Dop doda», «Týr po týrý»,  «Pro Football» jobalaryn,  hokkeıge arnalǵan «Pro Hockey», voleıbol sportyna baǵyttalǵan «S volley k pobede», kásipqoı boks baǵy­tyndaǵy «The  Ring», sporttyń ár túrin qamtıtyn «Júırikter joly» jobalaryn turaqty túrde kórsetip keledi.