Májilis depýtaty, «Aq jol» demokratııalyq partııasy fraksııasynyń múshesi Erjan Beısenbaev Soltústik Qazaqstan oblysyna jumys sapary barysynda «CT Assembly» JShS jáne «Petropavl elektrotehnıkalyq zaýyty» JShS ujymymen kezdesti, dep habarlaıdy Egemen.kz.
CLAAS kombaındaryn shyǵaratyn «CT Assembly» kásipornyndaǵy eńbek ujymynda Erjan Beısenbaev ınflıasııany tejeý jáne baǵany memlekettik retteý, turǵyn úı kommýnaldyq sharýashylyǵy qyzmetteri úshin tólemderdiń durys eseptelmeýi sııaqty ózekti máseleler boıynsha pikir almasty.
Al Petropavl elektrotehnıkalyq zaýytynda kásiporyndy odan ári damytý máseleleri talqylandy. Qyzmetkerler depýtattarǵa otandyq ónerkásipti qoldaýdy kúsheıtý týraly ótinishterin aıtty.
Depýtattardyń óńirler boıynsha saparlary áli de jalǵasady.