Fransııa tas joldarynda ótip jatqan «Týr de Frans» Grand-týrynyń úshinshi kezeńinde «Astana» komandasynyń brıtanııalyq veloshabandozy Mark Kavendısh máre syzyǵyn altynshy bolyp kesti.
Amorebeta men Baıonna qalalaryn jalǵaǵan 185 shaqyrym joldy Kavendısh 4 saǵat 43 mınýt 15 sekýnd ishinde júrip ótti. Al úshinshi kezeńde 25 jastaǵy belgııalyq Djasper Fılıppsen («Alpecin-Deceuninck») top jardy. Ekinshi jáne úshinshi oryndardy germanııalyq Fıl Baýhaýz («Bahrain Victorious») ben aýstralııalyq Kaleb Evan («Lotto–Dstny») ózara bólisti.
Úshinshi kezeńnen keıin de jalpy eseptegi úzdik úshtik ózgerissiz qaldy. Ádettegideı brıtanııalyq veloshabandoz Adam Ieıts («UAE Emirates») kósh bastap keledi.