«Qazgıdromet» RMK sınoptıkteri búgingi aýa raıy boljamyn usyndy. Boljamy boıynsha Astanada kúndiz naızaǵaı oınap, burshaq jaýýy múmkin. Soltústik-shyǵystan jel soǵady, kúndiz ekpini 15-20 m/s bolady, dep habarlaıdy Egemen.kz.
Shyǵys Qazaqstan oblysynyń soltústiginde, shyǵysynda, ońtústiginde naızaǵaı, burshaq, daýyl kútiledi. Jel soltústik-batystan soǵady, oblystyń soltústiginde, shyǵysynda, ońtústiginde ekpini 15-20 m/s deıin jetedi.
Abaı oblysynyń soltústiginde, ońtústiginde, batysynda naızaǵaı, burshaq, daýyl kútiledi. Jel soltústik-batystan soǵyp, oblystyń soltústiginde, ońtústiginde, batysynda ekpini 15-20 m/s bolady.
Túrkistan oblysynyń taý bókterinde naızaǵaı oınap, daýyl soǵady.
Qyzylorda oblysynyń ortalyǵynda, shyǵysynda naızaǵaı oınaıdy. Jel soltústik-shyǵystan soǵyp, kúndiz oblystyń ortalyǵynda ekpini 15-20 m/s deıin jetedi.
Jetisý oblysynyń taýly aýdandarynda qatty jańbyr jaýýy múmkin. Oblystyń basym bóliginde naızaǵaı, burshaq kútiledi.
Pavlodar oblysynyń shyǵysynda qatty jańbyr jaýady. Oblystyń soltústiginde, batysynda, shyǵysynda naızaǵaı, burshaq jaýýy múmkin. Soltústik-shyǵystan jel soǵady, tańerteń jáne kúndiz oblystyń soltústiginde, batysynda, shyǵysynda ekpini 15-20 m/s bolady.
Aqmola oblysynyń ońtústiginde, shyǵysynda naızaǵaı kútiledi. Kúndiz oblystyń ońtústiginde, shyǵysynda burshaq jaýýy yqtımal. Soltústik-shyǵystan jel soǵady.
Qaraǵandy oblysynyń soltústiginde, shyǵysynda, ońtústiginde naızaǵaı, kúndiz burshaq kútiledi. Soltústik-shyǵystan jel soǵady, kúndiz oblystyń soltústiginde, shyǵysynda, ońtústiginde ekpini 15-20 m/s bolady.
Boljam boıynsha Jambyl oblysynyń taýly aýdandarynda qatty jańbyr kútiledi. Oblystyń soltústiginde, ońtústiginde, taýly aýdandarynda naızaǵaı oınap, burshaq jaýýy múmkin. Soltústik-batystan jel soǵady, oblystyń ońtústik-batysynda, soltústik-shyǵysynda, taýly aýdandarynda ekpini 15-20 m/s bolady dep kútiledi.
Soltústik Qazaqstan oblysynyń shyǵysynda naızaǵaı oınaıdy. Soltústik-shyǵystan jel soǵady, kúndiz oblystyń soltústiginde, batysynda, ońtústiginde ekpini 15-20 m/s deıin jetedi.
Ulytaý oblysynyń soltústiginde, ońtústiginde soltústik-shyǵystan jel soǵady, kúndiz ekpini 15-20 m/s bolady.