О́tken aptada fýtboldan Qazaqstan kýbogi jolyndaǵy básekeniń jartylaı fınal matchtary ótip, fınalǵa shyqqan komandalar belgili boldy.
Jartylaı fınaldyń alǵashqy jaýap matchynda Shymkenttiń «Ordabasy» klýby óz alańynda elordanyń «Astanasyn» qabyldap, 2:0 esebimen jeńiske jetti. Alań qojaıyndary sapynan Shahboz Ýmarov pen Temirlan Erlanov mergendigimen kózge tústi. Astanada ótken birinshi oıynda elordalyqtar 1:0 esebimen basym túsken bolatyn.
Ekinshi jartylaı fınalda «Tobyl» men «Atyraý» komandalary kezdesip, qostanaılyqtar eki oıynda da munaıly ólkeniń klýbyn 1:0 esebimen jeńip, Qazaqstan kýboginiń fınalyna shyqty. Kezdesý taǵdyryn sheshken jalǵyz goldy «Tobyl» sapynan Ivan Rogach soqty.
«Ordabasy» men «Tobyl» arasyndaǵy fınaldyq match tórtinshi qarashaǵa josparlanǵan.