Ońtústik Koreıanyń Sedjon qalasynda uıymdastyrylǵan trıatlonnan Azııa kýboginde jerlesimiz júldegerler qatarynan kórindi.
Sportty damytý dıreksııasynyń málimeti boıynsha, erler arasyndaǵy «elıt» sanatyndaǵy jarysta otandasymyz Aıan Beısenbaev qola júldege qol jetkizdi. Ol belgilengen qashyqtyqty 52 mınýt 54 sekýndta baǵyndyrǵan. Otandasymyz kúmis júldeger japonııalyq Ren Satodan – 7, chempıon Aoba Iаsýmasýdan 20 sekýndqa ǵana qalyp qoıdy.
Qurlyq kýboginiń jalpy júlde qory – 12 myń dollar. Onyń ishinde chempıondar – 1 500, kúmis júldegerler – 1 200, 3-oryn alǵan trıatlonshylar 900 dollarǵa ıe boldy. Bıylǵy jarysqa 14 elden 100-den asa kásibı sportshy jınalǵan.