El tennısiniń kóshbasshysy, byltyrǵy Ýımbldon dodasynyń jeńimpazy Elena Rybakına atalǵan týrnırdiń shırek fınalyna shyqty.
Álemdik reıtıngte úshinshi orynda turǵan jerlesimiz «Úlken dýlyǵa» jarysynyń tórtinshi aınalymynda álemniń 13-raketkasy brazılııalyq Beatrıs Haddad Maııamen sheberlik baıqasty. Ortalyq korttaǵy kezdesýdi Rybakına sátti bastady. Úshinshi geımnen keıin esep 2:1 bolǵan mezette otandasymyz breık jasap, 3:1 esebimen alǵa shyǵyp aldy. Sodan keıin óz geıminde myqtylyq tanytyp, eseptegi basymdyqty ulǵaıtty – 4:1.
Alaıda besinshi geımnen keıin brazılııalyq tennısshi jaraqatyna baılanysty medısınalyq kómekke júginip, ári qaraı básekeni jalǵastyrýdan bas tartty. Osylaısha, Elena esh qıyndyqsyz jarystyń kelesi kezeńine joldama aldy. Endi jerlesimiz búgin Ýımbldonnyń jartylaı fınalyna shyǵý úshin álemniń 6-raketkasy týnıstik Ons Jabermen kezdesedi. Bul eki sportshy Ulybrıtanııadaǵy jarystyń byltyrǵy fınalynda oınap, úsh setke jalǵasqan básekede Elena Rybakına 3:6, 6:2, 6:2 esebimen jeńiske jetken.