«Manchester Iýnaıted» klýbynyń jáne Reseı quramasynyń burynǵy fýtbolshysy Andreı Kanchelskıs qostanaılyq «Tobyl» komandasynyń bas dırektory boldy, dep habarlaıdy Egemen.kz.
Qostanaılyq komandanyń baspasóz qyzmeti habarlaǵandaı, mamanmen kelisimshart kelesi maýsymnyń sońyna deıin jasalǵan.
«Kómektesýimdi surady, maýsymnyń sońyna deıin tyrysamyn. Sonymen qatar jattyqtyrýshylyq jumys jóninde usynys tússe, bul máseleni sheshýge bolady degen ýaǵdalastyqqa qol jetkizildi. Árıne, jattyqtyrýshy retinde kelissózder júrgizip jatyrmyz. 13 shildede biz «Honka» klýbymen oınaımyz, jumys istep, «Tobyldyń» alǵa jyljýyna kómektesemiz», dedi Andreı Kanchelskıs.