Keıingi jyldary elimizde urpaqtan-urpaqqa mura bolyp kele jatqan ulttyq oıyndarymyz erekshe qarqynmen damyp keledi. Ony elimizdiń ár túkpirinde jyl saıyn joǵary deńgeıde uıymdastyrylyp jatqan Azııa jáne álem chempıonattarynyń deńgeıinen baıqaýǵa bolady. Ulttyq sportymyzdyń erekshe ulyqtalýyna ár sport túriniń jeke-jeke federasııa bolyp qurylýy oń áser etip jatqanyn da aıta ketken jón.
Jýyrda buǵan deıin úsh federasııa bolyp jumys istep, byltyrdan beri bir federasııanyń astyna birikken «Qazaq kuresi» Assosıasııasynyń Prezıdenti bolyp Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Erbol Myrzabosynov taǵaıyndaldy. «Qazaq kuresi» Assosıasııasy qazaq kúresiniń ártúrli erejesi boıynsha jumys istep kelgen úsh federasııasynyń – «Qazaq kuresi» halyqaralyq federasııasy, «Qazaq kuresi» dúnıejúzilik federasııasy jáne «Qazaq kuresi» respýblıkalyq federasııasyn biriktirip, 2022 jyldan jumys istep keledi.
Búginde Assosıasııanyń basty maqsaty – qazaq kúresin respýblıkalyq jáne halyqaralyq arenada damytý, ony olımpıadalyq sport túrleri baǵdarlamasyna engizý. Qazirgi tańda barlyq oblys pen respýblıkalyq mańyzy bar qalada «Qazaq kuresi» Assosıasııasynyń tikeleı baqylaýymen jumys isteıtin qazaq kúresi federasııalary jumys istep tur. Statıstıkalyq derekterge súıener bolsaq, elimizde 122 607 adam jattyǵatyn 3 897 qazaq kúresi úıirmesi bar. Onyń ishindegi 2 735 úıirme aýyldyq jerlerde ornalasqan, onda 73 054 adam jattyǵady. Jalpy, qazaq kúresinen jylyna túrli deńgeıdegi 700-den astam jarys ótkiziledi. Halyqaralyq arenada álemniń 40-tan astam elinde qazaq kúresi federasııalary jumys isteıdi.
Bir atap óterligi, Assosıasııany basqarýǵa alǵash ret qazaq kúresiniń mamany kelip otyr. Erbol Myrzabosynov – qazaq kúresinen halyqaralyq dárejedegi sport sheberi, eńbek sińirgen jattyqtyrýshy. Ol biraz jyl buryn «Qazaq kuresi» assosıasııasynyń qurylýynyń basy-qasynda bolyp, bas dırektor qyzmetin atqardy. Onyń tikeleı basshylyǵymen el aýmaǵynda jáne halyqaralyq arenada qazaq kúresiniń biryńǵaı erejesi bekitildi. 2022 jyly «Qazaq kuresi» Assosıasııasy Birikken Kúres álemi (UWW) uıymynyń quramyna enip, UWW aıasynda tuńǵysh ret qazaq kúresinen úsh jas tobyn qamtyǵan álem chempıonaty uıymdastyryldy. Bul – qazaq kúresiniń halyqaralyq keshendi jarystardyń baǵdarlamasyna ený jolyndaǵy alǵashqy mańyzdy qadamnyń biri boldy.
Qaýymdastyqtyń jańadan saılanǵan prezıdenti Erbol Myrzabosynov «Qazaq kuresi» Assosıasııasynyń qazaq kúresi erejesin birizdendirý jáne tól kúrestiń halyqaralyq arenadaǵy tanymaldylyǵyn arttyrý baǵytyndaǵy jumystardy jalǵastyratynyn jetkizdi. Ol Memleket basshysy Q.Toqaevtyń kóp shyǵyndy qajet etpeıtin jáne balalardy teris ádetten alastatatyn sport túrleriniń qatarynda qazaq kúresin damytý qajettigine nazar aýdarǵanyn atap kórsetti. Ol ulttyq sport túrleri arqyly eldiń ımıdjin kóterý múmkindigine toqtalyp, mysal retinde Japonııanyń ulttyq sport túri dzıýdony keltirdi. E.Myrzabosynovtyń pikirinshe, qazaq kúresi eldi halyqaralyq arenada tanymal etetin brendterdiń birine aınalýǵa tıis. Ol sonymen birge qazaq kúresiniń Dúnıejúzilik kóshpeliler oıyndarynyń baǵdarlamasyna engizilýi el sportshylarynyń medal kórsetkishterin jaqsartyp, eldiń ımıdjin qalyptastyrýǵa oń áser etetinin atap aıtty. Sondaı-aq Erbol Qýantaıuly jıyn qatysýshylarynyń nazaryn ózbek О́zbekstannyń «Kýrash» kúresiniń damýyna aýdardy. Azııa oıyndarynyń baǵdarlamasyna engizilgen bul kúres túri О́zbekstanǵa 7 salmaq dárejesinde medal jeńip alýǵa múmkindik beredi. Qazaq kúresi dál osylaı Azııa oıyndarynyń baǵdarlamasyna engizilgen jaǵdaıda, jalpykomandalyq esepte joǵary oryn alý múmkindigimiz arta túsedi dep túıindedi.
Assosıasııa prezıdenti saılanǵan jıynǵa Italııa, Grýzııa, Ázerbaıjan, Grýzııa jáne t.b. elderdegi qazaq kúresi federasııalarynyń basshylary, sondaı-aq UWW bıýrosynyń múshesi Marııa Rodıka Iаkshy onlaın qatysyp, quttyqtaý bildirdi. Marııa Rodıka Iаkshy qazaq kúresiniń World Combat Games, ıaǵnı búkilálemdik jekpe-jek oıyndarynyń baǵdarlamasyna engizilgenin habarlady.