О́tken aptada Aýstrııa jáne Italııada uıymdastyrylǵan tennısten halyqaralyq týrnırde jerlesterimizdiń baǵy janyp, juptyq synda jeńimpaz atandy.
Atap aıtqanda, Aýstrııanyń Zalsbýrg qalasynda máresine jetken erler arasyndaǵy chellendjer týrnırinde Andreı Golýbev bas júldege ıe boldy. Jerlesimiz bul týrnırde ýkraınalyq Denıs Molchanovpen birge jup qurap oınap, fınaldyq saıysta úndistandyq tennısshiler – Anırýd Sandrasekar men Vıdjaı Sýndar Prashantpen sheberlik baıqasty. Birinshi partııada qazaqstandyq-ýkraınalyq jup 6:4 esebimen jeńiske jetse, ekinshi sette taı-breıkte basym boldy – 7:6 (10:8).
Al Italııanyń bas shahary – Rım qalasynda ótken áıelder arasyndaǵy W60 sanatyndaǵy týrnırde Jibek Qulambaeva úzdik shyqty. Ol Belarýs ókili Iýlııa Gotovkomen birge fınalda osy jarystyń birinshi raketkasy bolyp tirkelgen kolýmbııalyq Iýlıana Lızarazo men Marııa Paýlınamen kezdesip, eki setke jalǵasqan oıynda qazaqstandyq-belarýstik jup 6:4, 6:4 esebimen jeńiske jetti.