Kópshilik biletindeı, «Onlaın-platformalar jáne onlaın jarnama týraly» zańy Qazaqstan Respýblıkasyndaǵy onlaın-platformalarda, onyń ishinde ınternet-jarnamany óndirý jáne ornalastyrý salasynda týyndaıtyn qoǵamdyq qatynastardy quqyqtyq júıeleýge baǵyttalǵan.
Zańda memlekettik tildi onlaın-platformalardyń ınterfeısteri men moderasııasyna mindetti ıntegrasııalaý, jarnamany áser etýshilermen tańbalaý qajettiligi, zańsyz mazmundy tıimdi moderasııalaý kózdelgen. Zań sheńberinde kóleńkeli ekonomıka úrdisterin tómendetý jáne onlaın-alaıaqtyqqa qarsy kúres jóninde qajetti sharalar qabyldanatyn bolady. Zań azamattardyń quqyqtary men bostandyqtaryn tolyqqandy iske asyrý úshin onlaın platformalarmen tıimdi yntymaqtastyq pen ózara is-qımyldy jolǵa qoıýǵa múmkindik beredi.
Zańsyz ıemdelingen aktıvterdi memleketke qaıtarý týraly zańǵa keletin bolsaq, bul qujattyń maqsaty – zańsyz ıemdelingen aktıvterdi memleketke qaıtarý jáne (nemese) olardy Qazaqstandaǵy zańdy ekonomıkalyq aınalymǵa tartý. Olardy zańsyz ıemdelý men shyǵarýǵa yqpal etken sebepter men jaǵdaılardy joıý, sondaı-aq qoǵamdaǵy áleýmettik ádilettilikti qalpyna keltirý. Zań jáne oǵan ilespe aktiler aktıvterdi ashýdyń, rastaýdyń, shyǵarýdyń jáne qaıtarýdyń tıisti rásimin qamtamasyz etýge baǵyttalǵan tetikterdi kózdeıdi.
Nurtóre JÚSIP,
Senat depýtaty