Jambyl oblysynda memlekettik kásiporynnyń bas esepshisine qatysty sot úkimi shyqty. Ol 3 jylǵa bas bostandyǵynan aıyryldy, dep habarlaıdy Egemen.kz oblystyq prokýratýranyń baspasóz qyzmetine silteme jasap.
«Qulan-Energo Jylý» mekemesiniń bas esepshisi tólem tapsyrmalarymen KMK-nyń bıýdjet qarajatyn óziniń kartochkalyq shottaryna aýdarǵan. О́ziniń qylmystyq áreketterin jasyrý úshin tólem tapsyrmalarynyń baǵanyna taýarlar, kásiptik, ǵylymı jáne tehnıkalyq qyzmetter úshin tólemder retinde tólemniń maqsatyn kórsetken.
«Turar Rysqulov atyndaǵy aýdandyq sottyń 23 maýsymdaǵy úkimimen kásiporynnyń bas býhgalteri qylmystyq quqyq buzýshylyq jasaǵany úshin kináli dep tanylyp, oǵan 3 jyl merzimge bas bostandyǵyn shekteý túrindegi jaza taǵaıyndaldy. Sondaı-aq kommersııalyq jáne ózge de uıymdarda 3 jyl merzimge materıaldyq-jaýapty laýazymdardy atqarý quqyǵynan aıyrý túrindegi qosymsha jaza taǵaıyndaldy», delingen habarlamada.
Sot úkimi zańdy kúshine endi.
Zańsyz aýdarylǵan qarjy memleketke tolyq kólemde qaıtaryldy.