Túrkistandaǵy Olımpıada ortalyǵynda ótken taekvondodan (WT) eresekter arasyndaǵy Qazaqstan kýboginde Azııa oıyndarynda el namysyn qorǵaıtyn sportshylar anyqtaldy.
Bıyl jańa formatta uıymdastyrylǵan básekede erler 5, áıelder 5 salmaq boıynsha saıysqa tústi. Áýeli eki kún boıy ár salmaqtyń úzdikteri anyqtalyp, keıin olar taǵy birneshe kún boıy óz salmaǵyn ustap, sheshýshi kúni shırek fınal men sýperfınalda aıqasty. Osy jekpe-jekte top jarǵan sportshylar kúzde Qytaıda alaýy tutanatyn Azııa oıyndaryna qatysý múmkindigine ıe boldy. Dál osy júıe arqyly taekvondo sportynyń otany sanalatyn Ońtústik Koreıa búginge deıin óz eliniń ulttyq quramasyn jasaqtap keledi.
Jarys qorytyndysyna sáıkes áıelder arasynda Botakóz Qapanova (49 kg), Ázıza Qarajanova (53 kg), Marııa Sevostıanova (57 kg), Nuraı Qusaıynova (67 kg) jáne Jansel Denız (+67 kg) óz salmaqtarynda úzdik shyqty. Al erler sa-ıysynda Eldos Ysqaq (58 kg), Nurbek Ǵazez (63 kg), Eldar Birimbaı (68 kg), Nurlan Myrzabaev (80 kg) jáne Smaıyl Dúısebaı (+80 kg) top jardy.