Elimizdiń jasóspirim tennısshileri Germanııanyń Ýlm qalasynda 14 jáne 16 jasqa deıingiler arasynda ótken ekinshi sanattaǵy Tennis Europe serııasynyń Müller Junior Cup Ulm týrnırinde jeńimpaz atandy.
Máselen, 14 jasqa deıingiler arasynda óner kórsetken Erkejan Jańataeva jekeleı synda úzdik shyqty. Ol fınalda germanııalyq Francheska Parsellımen sheberlik baıqasyp, úsh setke jalǵasqan básekede kort qojaıynyn 4:6, 6:4, 6:2 esebimen tize búktirdi. Sondaı-aq osy jarystyń juptyq synynda baq synaǵan Iаroslav Pshenıchnyı men Mansur Saıynov ta qarsylas shaq keltirmeı, týrnırdiń bas júldesin oljalady. Al germanııalyq Gýdıt Plamen jup qurap oınaǵan otandasymyz Ádııa Omarbek fınalda jeńildi.
Sonymen qatar 16 jasqa deıingiler arasyndaǵy jarysta taǵy bir jerlesimiz Sátıma Tóregen jeńis tuǵyryna kóterildi. Ol sońǵy básekede nemis Ida Vobkerdi qapy qaldyrdy – 6:3, 6:7 (4:7), 6:4. Uldar arasyndaǵy básekede Rodıon Lýkashov pen Oljas Esenáli fınaldyq básekede qarsylastaryna jol berip, ekinshi orynǵa taban tiredi.