Áskerdiń tegeýrindi kúshi

Bul sharaǵa tankıster uzaq ýaqyt jáne tııanaqty daıyndaldy. Jat­ty­ǵýlar aldynda teorııalyq jáne prak­tıkalyq, atap aıtsaq, atys qala­shy­ǵyndaǵy birneshe saǵattyq sabaq­tar, tank alańynda kólik júrgizý jáne baqylaý atystaryn oryndaý daıyn­dyq­tary boldy.

Jattyǵýdy oryndaý sharttary bo­ıynsha áskerı qyzmetshiler 1 500-den 1 700 metrge deıingi qashyqtyqtaǵy tank nysandaryn, odan bólek 600-den 900 metrge deıingi qashyqtyqtaǵy oqsha­shar nysandaryn joıý qajet. Atys aıaqtalǵannan keıin mashı­nalar­ bas­tapqy oryndaryna oraldy. Tank­ter­diń jeke qura­my sap túzep, al koman­dır ekıpajdardyń jumysyn baǵa­­lady. Sonymen qatar atys kún­diz­gi ýaqyt­ta ǵana emes, túnde de júr­gizildi.

Tankpen shtattyq snarıadty atý­ – tankısterdiń jaýyngerlik daıyn­­dyǵynyń negizgi elementi. Son­­dyq­­tan shtattyq snarıadty­ atý jyly­na­ eki ret, al oǵan daıyndyq turaq­ty túr­de júrgiziledi.

– Barlyq ekıpaj bul jat­ty­ǵýdy senim­di túrde oryndady. Nátıjesinde, bólimshe «jaqsy» degen baǵa aldy. Atys jattyǵýynyń sátti ótýi kóbinese tehnıkany daıyndaýǵa baılanysty. Tan­kıster bul tapsyrmany joǵary deńgeıde oryndady. Atys barysynda kezdesken kemshilikterdi ekıpaj kúshteri, sondaı-aq jóndeý bólim­she­leriniń áskerı qyzmetshileri men teh­nık mamandary sátti eńserip otyr­dy, – dedi brıgada komandıriniń jaýyn­ger­­lik daıarlyq jónindegi orynbasary, pod­­­­­pol­­kovnık Saǵı Batyrhanov.

Atys nátıjeleri boıynsha jat­ty­ǵýdy «óte jaqsy» oryndaǵan áskerı qyz­metshilerdi brıgada basshylyǵy mara­pattady. Úzdikter qatarynda tank komandıri, serjant Nurym Qumar­bek, mehanık-júrgizýshi, serjant Nur­sultan Qundaqbaev jáne mer­zimdi qyz­mettegi áskerı qyzmetshi, jaýyn­ger­lik kóliktiń kózdeýshi-opera­to­ry, qatardaǵy jaýynger Maqsat Qural bar.

 – Men tanktiń shtattyq snarıadyn úshinshi ret atyp turmyn, sondyqtan jattyǵýdy oryndar aldynda eshqandaı tolqý bolǵan joq. Bári oıdaǵydaı ótip, úzdikter qatarynan kóringenime qýa­nysh­tymyn. Otanymyzdy oıdaǵydaı qor­ǵaýǵa árdaıym daıynbyz, – dedi qatardaǵy jaýynger Maqsat Qural.