Sársenbi kúni eldegi aptap ystyqqa baılanysty memlekettik mekemelerdiń qyzmetkerlerine eki kúndik demalys jarııalandy. Bul týraly Iran úkimetiniń baspasóz hatshysy Álı Bahadorı Chehromı áleýmettik jelidegi parqshasynda habarlady, dep jazady Egemen.kz.
Iran memleketi sársenbi kúni kásiporyndar men memlekettik mekemelerdi eki kúnge demalysqa jiberdi. Buǵan aptap ystyq sebep boldy. Elde 40 gradýs jáne odan joǵary aýa temperatýrasy tirkeldi.
Eldiń Densaýlyq saqtaý mınıstri aptap ystyq halyq densaýlyǵyna keri áser etetinin eskertti.
«Mınıstrler Keńesi Densaýlyq saqtaý mınıstrliginiń osy kúnderi buryn-sońdy bolmaǵan aptap ystyqqa baılanysty azamattardyń densaýlyǵyn saqtaý maqsatynda elimizdiń barlyq aýmaǵynda sársenbi jáne beısenbi kúnderi demalý týraly usynysyn qabyldady», dep jazdy Iran úkimetiniń baspasóz hatshysy Álı Bahadorı Djahromı.
Aıta keteıik, erteń Irannyń ońtústik-batysyndaǵy keıbir qalalarda aýa temperatýrasy 51 gradýsqa jetedi dep boljanyp otyr. El astanasy Tegeranda 40 gradýs ystyq bolýy múmkin.