Almaty qalasynda mádenıet salasy qyzmetkerleriniń jalaqysy 30%-ǵa ulǵaıady, dep habarlaıdy Egemen.kz qala ákimdiginiń baspasóz qyzmetine silteme jasap.
Atap aıtqanda, haıýanattar baǵy, sırk, qýyrshaq teatry, «Alataý» dástúrli óner teatry, memlekettik muraǵat, kitaphana, mýzeıler birlestigi, «Almaty áýenderi» uıymy qyzmetkerleriniń jalaqysy ósedi.
Qazirgi ýaqytta mádenıet salasy qyzmetkerleri jalaqysynyń ortasha deńgeıi 138 myń teńgeni quraıdy.
Qalalyq mádenıet basqarmasynyń habarlaýynsha, jalaqyǵa baılanysty jas mamandar jumystan jıi ketedi jáne bul óz kezeginde jas bilikti kadrlardy tárbıeleýdi qıyndatady. Sondyqtan Almaty máslıhatynyń qaraýyna qalalyq mádenıet basqarmasynyń uıymdary, kásiporyndary qyzmetkerleriniń laýazymdyq jalaqylaryna yntalandyrýshy ústemeaqylar belgileý máselesi usynyldy.