Qalamger murasyn nasıhattaǵan oqýshylar

Tulǵa atyn óshirmeı keıingige dá­rip­­tep júrgen áriptesimiz Qajet Andas­­tyń uıymdastyrýymen ákesi An­­das Omaraqynnyń oqýlary óz deń­ge­­ıin­de órnek tapty. Atalǵan baı­qaý­ǵa qa­­tysqan aımaq oqýshylary kil júı­­rik­­ten kim júırik ekenin ózara anyq­tasty.

Mektep jetkinshekteri arasyndaǵy doda V.Maıakovskıı atyndaǵy Taldy­qorǵan qalalyq kitaphanasynda shymyl­dyq túrdi. Igi istiń ótýine oblystyq bilim basqarmasy men «Jetisý» gazeti, «Qazposhta» AQ Almaty oblystyq fılıaly jáne Andas Omaraqyn otbasy muryndyq boldy.

Baıqaý barysynda alǵashqy bolyp «Jetisý» gazeti bas redaktorynyń orynbasary Mádı Aljanbaı sóz alyp, saıysqa qatysýshylarǵa sáttilik tile­di. О́z kezeginde «Qazposhta» AQ Almaty oblystyq fılıaly dırektorynyń orynbasary Bolathan Erjigitov lebi­zin bildirdi. Sonymen qatar «Parasat» ordeniniń ıegeri Áýeshan Majaı­qyzy qurastyrǵan «Andas Omaraqyn oqý­lary» atty jınaqtyń tusaýkeser rásimi ótti.

«Andas Omaraqyn oqýlary» baı­qaýy jarty jyl boıy onlaın júr­gizilip kelgen bolatyn. Oblys kóle­minde bilim saıysyna 30-dan astam oqýshy qatysty. Barlyq tapsyrmalar­dy tolyq ári sapaly oryndaǵan 18 oqý­shy sheshýshi synǵa joldama alyp,  qazylar aldynda bilim-biligin kórsetti.

Oqýshylar test suraqtary, jazba aqyndar, ólketanýshylar, aıtys aqyndary syndy 4 baǵyt boıynsha berilgen tapsyrmaǵa saı baǵalandy. Qorytyndy baıqaýda jazba aqyndar Andas Omaraqynnyń óleńin oqysa, ól­ke­tanýshylar ǵylymı jumysyn qor­­ǵady, aıtyskerler sóz saıysyna tús­ti. Nátıjesinde, jazba aqyndar ara­syn­da Araılym Janahmet, ólke­taný­shy­lar baǵyty boıynsha Janel Ju­ma­ǵalı, aıtyskerler arasynda Ulan Nurbol I oryn ıegeri dep tanyldy. Alǵyr­ly­ǵymen tanylǵan qatysýshylar kitap, alǵyshat, qomaqty qarjymen marapattaldy.

Jalpy, atalǵan baıqaýdyń ótýine demeýshilik kórsetip otyrǵan árip­tesimiz Qajet Andastyń otbasy jarty jyl kóleminde ótken is-sharaǵa 6,5 mıl­lıon teńgeden astam qarajat ból­gen eken. Baıqaýdy dástúrli túrde respýb­lıkalyq deńgeıde ótkizý josparlanyp otyr.

Jetisý oblysy