Semeı qalasyndaǵy eski musylmandar zıratynan Abaıdyń ustazy Rıza-at-dın ıbn Ýálıdtiń beıiti tabyldy, dep habarlaıdy Egemen.kz.
Ertis ózeniniń oń jaǵalaýynda tatar ólkesi men Shyǵys kentiniń arasynda ornalasqan baıyrǵy musylman zıratynyń aýmaǵy 170 myń sharshy metrdi quraıdy.
Bir jyldaı buryn sol aýmaqqa zertteý júrgizýge uıǵarym jasalǵan edi. Zertteý jumystary barysynda Semeı tarıhı ortalyq qana emes, dinı ortalyq bolǵany da anyqtalǵan.
«30-ǵa jýyq dinı qaıratkerlerdiń beıiti tabyldy. Olardyń ishinde Abaıdyń ustazy Rıza-at-dın ıbn Ýálıd te boldy», dedi tarıhshy Madııar Nasyrov.
Tarıhshynyń aıtýynsha, Ahmet pen Rıza eki túrli adamdar bolyp shyqqan. Rıza 1876 jyly qaıtys bolsa, Ahmet, keıbir derekter boıynsha 1879 jyly kóz jumǵan eken.