Ońtústik Koreıanyń Chýnchon qalasynda taekvondodan G2 dárejesindegi «Korea Open 2023» dep atalatyn halyqaralyq týrnır aıaqtaldy.
Atalǵan jarysta Qazaqstannyń tatamı sheberleri tórt júlde jeńip alyp, óz jankúıelerin qýantty. Eń úzdik nátıjege 68 kılo salmaq dárejesinde kúsh synasqan Eldar Birimbaı qol jetkizdi. Bıyl kóktemde Slovenııanyń Lıýblıana qalasynda ótken dúbirli dodada qarsylas shaq keltirmeı, bas júldeni oljalaǵan qazaq sportshysy bul joly da aqtyq saıysqa deıin alqynbaı jetti. О́kinishke qaraı, sheshýshi tusta utylyp, kúmis medaldy moınyna ildi. Olımpııa oıyndary men álem chempıonattaryna qatysyp, birqatar baıraqty básekede jeńis tuǵyryna kóterilgen +67 kılo salmaqtaǵy Jansel Denız Chýnchondaǵy týrnırdi qola júldemen qorytyndylady. Jartylaı fınalda ol óziniń qateligi saldarynan jeńilis tapty. Sondaı-aq Botagóz Qapanova (49 kılo) men Nurlan Myrzabaev (80 kılo) dál sol mejeden kórindi.
Aldaǵy aılarda Qazaqstan quramasy Parıjde alaýy tutanatyn Olımpııa oıyndarynyń joldamalary úshin talasady.