Prezıdent Hyosung Financial System Vina kompanııasynyń óndiris alańyn aralap kórdi, dep habarlaıdy Egemen.kz Aqordanyń baspasóz qyzmetine silteme jasap.
Kásiporyn jańa úlgidegi bankomattar, avtomatty kassa apparattaryn (TCR) shyǵarady, sondaı-aq bank-qarjy salasyna arnalǵan baǵdarlamalar jasaıdy.Kásiporynda jylyna 80 myńnan asa buıym óndiriledi. Budan bólek, kompanııa ozyq tehnologııalarǵa kóshý, ónim sapasyn arttyrý, Vetnamda aqparattyq tehnologııalar baǵytyndaǵy adam kapıtalyn damytýǵa yqpal etý úshin óndiris janynan zertteý ortalyǵyn ashqan. Zaýyttyń óndiris jelisimen tanysqan Memleket basshysy qarjy tehnologııasy salasynda tájirıbe almasý qajet ekenine nazar aýdardy.