Magıstratýraǵa bilim berý granttaryn taǵaıyndaý jónindegi respýblıkalyq komıssııanyń jumysy aıaqtaldy. Memlekettik bilim berý granttary ıegerleriniń tizimi búgin jarııalanady, dep habarlaıdy Egemen.kz Ǵylym jáne joǵary bilim mınıstrliginiń baspasóz qyzmetine silteme jasap.
Memlekettik granttar Respýblıkalyq komıssııa otyrysynyń qorytyndysy boıynsha taǵaıyndaldy.
Komıssııa quramynda Qazaqstan Respýblıkasy Parlamentiniń depýtattary, mınıstrliktiń, múddeli memlekettik organdardyń, bilim salasy kásipodaqtarynyń, QR Ulttyq kásipkerler palatasy jáne qoǵamdyq uıym ókilderi boldy.
Bilim berý granttaryn taǵaıyndaý konkýrsyna qatysý úshin barlyǵy 14 612 adam qatysty. Onyń 8 359-y grant ıegeri atandy.
Grant konkýrsynyń qorytyndysy Ǵylym jáne joǵary bilim mınıstrliginiń resmı saıtynda jáne telegram arnasynda (t.me/gylym_jogary_bilim) jarııalanady.
Al joǵary oqý oryndaryna qabyldaý 2023 jylǵy 28 tamyzǵa deıin jalǵasady.