Oqý-aǵartý mınıstrligi janynan qurylǵan ardagerler keńesiniń birinshi otyrysy ótti, dep jazady Egemen.kz.
Ardagerler keńesi quramyna bilim berý salasynda bedeli joǵary qurmetti qyzmetkerler, qoǵam jáne memleket qaıratkerleri jáne taǵy basqalar engen. Atalǵan keńes bilim berý salasyndaǵy memlekettik saıasatty jańǵyrtý men damytý jónindegi keshendi sheshimderdi qabyldaý maqsatynda qurylǵan.
Bilim berý salasyna eńbegi sińgen qyzmetker, qoǵam jáne memleket qaıratkeri Jaqsybek Kúlekeev ashyq daýys berý ádisi arqyly keńes tóraǵasy bolyp saılandy.
«Keńes quramyn dana ustazdardyń qatarymen tolyqtyrý bilim berý júıesiniń sapasyn arttyrýǵa kómektesedi. Biz kópjyldyq tájirıbesi bar áriptesterimizdiń kásibı kómegine senim artamyz. Birlesken kúsh-jigerimizben balalarymyz úshin barynsha jaqsy jaǵdaı jasalady dep senemin», dedi Oqý-aǵartý mınıstri Ǵanı Beısembaev.