Erekshe balaǵa – erekshe qoldaý

Oblys ákimi Qumar Aqsaqalov atap ótkendeı, bilim salasyndaǵy mańyzdy baǵyttardyń biri – erekshe bilim berý qajettilikteri bar balalardy qoldaý.

– Bilim berý salasynda ǵana emes, sonymen birge densaý­lyq saqtaý sheńberinde de erekshe qa­jettiligi bar balalarǵa qol­­daý kórsetý baǵytynda aıtar­­lyqtaı tájirıbemiz bar. My­saly, Rýdnyı qalasynda ti­rek-qımyl apparaty buzylǵan balalardy qoldaý ortylyǵy jumys isteıdi. Onda bir myńnan astam balaǵa kómek kórsetiledi. Bıyl «Qamqorlyq» jobasy sheńberinde 125 balaǵa arnalǵan «Aýtızm» ortalyǵyn ashý boıyn­sha jumys júrgizilip jatyr, – dedi Q.Aqsaqalov.

Oqý-aǵartý mınıstrligi ın­­klıý­zıvti bilim berý bas­qar­masynyń basshysy Laýra Bota­baeva­nyń ­aıtýynsha, eli­mizde erekshe qa­jet­tiligi bar ba­la­larǵa bilim be­rý máseleleri boıynsha aýqym­dy jumystar atqarylǵan. Bul, eń aldymen, normatıvtik-quqyq­tyq baza­daǵy ózgeristerdi qamtı­dy. Eń mańyzdysy, 2021 jyly elimizdiń keıbir zańnamalyq akti­lerinde ınklıýzıvti bilim berý másele­le­ri boıynsha ózgerister men tolyqtyrýlar engizý týraly zańǵa qol qoıyldy. Sonymen qatar múmkindigi shekteýli balalardy arnaıy psıhologııalyq-pedagogıkalyq qoldaýǵa arnal­ǵan memlekettik tapsyrysty ornalastyrý qaǵıdalary bekitil­di. Qazirgi tańda 24 myńnan astam múm­kindigi shekteýli bala arna­­­­ıy psı­hologııalyq-pedagogıka­lyq qol­­­daý alýǵa kezekte tur. Al mem­­­­­lekettik tapsyrysty engizý ke­­­zek­tegi balalardy jappaı tú­ze­tý kómegimen qamtýǵa, arnaıy meke­melerdiń tapshylyǵy máse­lesin sheshýge múmkindik beredi.

– Búginde elimizde 188 myńnan astam 18 jasqa deıingi múmkindigi shekteýli bala bar. Bul kórsetkish jyl saıyn úsh paıyzǵa ulǵaıyp otyr. Atalǵan damý múmkindik­teri shekteýli balalardy arna-­­ ıy psıhologııalyq-pedagogıka­lyq qoldaý jáne erte túzetýmen qam­tý 2023 jyly 73 paıyzǵa jetti. Bul kórsetkishti 2025 jyl­ǵa deıin 100 paıyzǵa jetkizý jos­parla­nyp otyr. Mektepke deıingi tárbıe mekemeleriniń 40 paıyzynda, orta bilim berý mekemeleri­niń 80 pa­ıyzynda jáne tehnıkalyq-kásiptik bilim berý uıymdary­nyń 70 pa­ıyzynda ınklıýzıvti bilim be­rýge jaǵdaı jasalǵan. Bul kór­setkishti 2027 jylǵa deıin 100 paıyzǵa jetkizý kózdelip otyr, – dedi Laýra Botabaeva.

Balalardyń erekshe qajet­ti­likterin erte jastan anyq­taý úshin psıhologııalyq-medı­sı­na­lyq-pe­dagogıkalyq konsýl­tasııa­lar­dyń qyzmeti mańyzdy. Búginde eli­mizde mundaı 94 or­ta­lyq ju­mys isteıdi. Munyń syrtynda 2023 jyly – 15, 2024 jyly 14 psı­­hologııalyq-me­dısınalyq-pe­­­da­gogıkalyq kon­sýltasııa or­­ta­lyǵyn ashý jos­parlanǵan. Aq­mola, Qos­tanaı, Ulytaý oblys­ta­ry mun­­­daı orta­lyqtarmen tolyq qamtylǵan.

– Erekshe balalarǵa erte qol­daý kórsetetin psıholo­gııa­­lyq-pedagogıkalyq túzeý kabınet­teri­niń sanyn arttyrý máselesi de birtindep sheshim taýyp keledi. Búginde elimizde 210 túzeý kabı­neti bar. Sonymen qatar el kóle­minde 13 ońalý ortalyǵy ju­mys isteıdi. Búginde elimizdegi 5 760 mektepte múmkindigi shek­teýli 50 myńnan astam balaǵa ın­klıýzıvtik bilim berýge jaǵ­daı jasalǵan. Oqý-aǵartý mınıs­tr­ligi men «Q­azaqstan halqyna» qory arasyn­da jasalǵan arnaıy bilim berý uıymdarynyń ma­terıaldyq-tehnıkalyq bazasyn ny­ǵaıtý jónindegi memorandým aıasynda respýblıkadaǵy 31 mektep-ınternat arnaıy jab­dyqtar­men qamtamasyz etilgen, – dedi mınıstrlik ókili.

Qostanaı oblysy