Prezıdent Is basqarmasy Medısınalyq ortalyǵynyń mamandary úsh kún boıy óńirde bolyp, oblystyq, qalalyq aýrýhanalarda, Qostanaıdaǵy kópsalaly onkologııalyq aýrýhana men kardıologııa ortalyǵynda, sondaı-aq Rýdnyıda uzyn sany 20 shaqty naýqasqa kúrdeli operasııa jasady.
Elordadan kelgen bilikti dárigerler jergilikti neırohırýrg, travmotolog, arıtmolog, gınekolog mamandarǵa sheberlik sabaǵyn ótkizdi. 50-ge jýyq turǵyndy tegin qabyldap, dárigerlik keńes berdi.
Ortalyq mamandary buǵan deıin Aqtóbe, Aqmola, Atyraý, Shyǵys Qazaqstan oblystary men Shymkent qalasynda bolǵan. Sapardyń basty maqsaty – densaýlyq saqtaý salasyndaǵy jańa medısınalyq tehnologııalardy óńirlerde tájirıbege engizý, aýrýdyń aldyn alýda, dıagnostıkalaýda jáne zamanaýı emdeý ádisterimen bólisý.
Elordalyq mamandardyń úshinshi jumys kúni Qostanaıǵa Prezıdent Is basqarmasy Medısınalyq ortalyǵynyń basshysy Alekseı Soı kelip, oblystyq aýrýhanany aralady. Kúrdeli operasııa jasalǵan naýqastarmen júzdesip, oblys dárigerlerimen kezdesti.
Sondaı-aq Alekseı Soı aımaq basshysy Qumar Aqsaqalovpen kezdesti. Kezdesý barysynda Prezıdent Is basqarmasynyń Medısınalyq ortalyǵy men Qostanaı oblysynyń ákimdigi arasynda ózara yntymaqtastyq týraly memorandýmǵa qol qoıyldy. Kelisim óńir turǵyndaryna joǵary tehnologııalyq medısınalyq qyzmetterdi paıdalanýǵa múmkindik beredi. Sonymen qatar óńirdiń medısına qyzmetkerlerine naýqastardy zamanaýı ádistermen dıagnostıkalaý, emdeý jáne ońaltý, jańa medısınalyq tehnologııalardy engizý salasynda tájirıbe arttyrýdy kózdeıdi.
– Prezıdent Is basqarmasynyń Medısınalyq ortalyǵynyń ókilderimen mańyzdy máseleler týraly kelistik. Atalǵan ortalyq bizdiń dárigerlerdiń ozyq tehnologııalardy tereń meńgerýine kómektesedi. Endigi bizdiń mindetimiz – densaýlyq saqtaý salasyn aıtarlyqtaı jaqsartý. О́ńirde 2023-2024 jyldary 25 densaýlyq saqtaý nysanyn salý josparlanyp otyr. Onyń altaýy bıyl paıdalanýǵa beriledi. Jańa medısınalyq jabdyqtar satyp alynady. Osy maqsattarǵa bıyl 105,2 mlrd teńge bólindi. Bul qarjy byltyrǵymen salystyrǵanda 22 paıyzǵa artyq. Aldaǵy ýaqytta qarjylandyrý kólemi ulǵaıady, – dedi oblys ákimi Q.Aqsaqa- lov.
A.Soı mundaı ıgi sapar elimizdiń árbir azamaty qoljetimdi ári sapaly medısınalyq kómek alýy úshin qajet ekenin tilge tıek ete kelip, oblystyq aýrýhana mamandarynyń biliktilik deńgeıin arttyrýǵa kómektesetinin atap ótti.
– Búginde bizdiń mamandar jasap jatqan kúrdeli operasııalar óńirlerde, óz aýrýhanalaryńyzda jasalsa eken deımiz. Memleket basshysy Qasym-Jomart Toqaev bizge osyndaı mindet júktep otyr. Astanadaǵy bilikti mamandardyń tájirıbesi óńirlik dárigerge de juǵysty bolýy kerek. Bul maqsatqa jetý úshin sizderge qandaı kómek qajet bolsa da aıanyp qalmaımyz. Eń bastysy, osy óńirdiń turǵyndary sapaly em izdep Astanaǵa sabylmaýǵa tıis, – dedi A.Soı.
Qostanaı oblysy