Qarjylyq baqylaý agenttiginiń baspasóz qyzmeti habarlaǵandaı, atalǵan agenttiktiń Shymkent qalasy boıynsha departamenti úshinshi megapolıste tanymal energetıkalyq sýsyndy jasyryn túrde shyǵarǵan sehty anyqtaǵan. Departament bıznes quqyqtaryn qorǵaý jáne kóleńkeli ekonomıkamen kúres boıynsha júrgizip jatqan jumystary aıasynda zań buzýshylyqtyń jolyn kesti.
Qalalyq sanıtarlyq-epıdemıologııalyq baqylaý departamentiniń mamandary jáne saýda markasynyń quqyq ıelenýshiniń ókilderi júrgizgen jedel-izdestirý is-sharalary barysynda 21 myńnan astam quty – kontrafaktilik sýsynnyń daıyn ónimderi, taýar belgisi bar 54 myńnan astam bos bankalar, energetıkalyq sýsyndy quıýǵa arnalǵan jabdyq, sııa búrikkish japsyrma, oraý qurylǵylary, qaqpaqtar, qurǵaq qospalar (lımon qyshqyly, kofeın, soda, boıaǵyshtar, qant, qyshqyldyqty rettegishter) tárkilendi. Keltirilgen shyǵyn kólemi 37 mln teńgeden asady.
Ulttyq saraptama ortalyǵynyń mıkrobıologııalyq zertteý hattamasyna sáıkes, tárkilengen sýsynnyń quramynda ruqsat etilgen mólsherden eki ese joǵary zeń men ashytqy anyqtalǵan. Bul ónim tutynýǵa jaramsyz, óıtkeni ol adam densaýlyǵyna, ásirese jas aǵzaǵa zııan keltiredi. Osy fakti boıynsha sotqa deıingi tergeý bastaldy.
ShYMKENT