Shyǵys Qazaqstan oblysy Uıymdasqan qylmysqa qarsy kúres basqarmasynyń qyzmetkerleri urlyqty kásip etken qylmystyq toptyń jolyn kesti, dep habarlaıdy Egemen.kz vedomstvonyń baspasóz qyzmetine silteme jasap.
«Uıymdasqan qylmysqa qarsy kúres basqarmasynyń qyzmetkerleri 2 jyldan astam ýaqyt oblys kásiporyndarynyń biriniń taýarlyq-materıaldyq qundylyqtaryn urlaýmen aınalysqan qylmystyq toptyń is-árketine tosqaýyl qoıdy. Shyǵyn 500 mıllıon teńgeden asady. Sotqa deıingi tergep-tekserý barysynda polısııa qyzmetkerleri 20-dan astam tintý is-sharalaryn júrgizdi, onyń barysynda zattaı dáleldemeler tárkilendi. Qajetti sot saraptamalary taǵaıyndaldy. Negizgi kúdiktiler, qylmystyq toptyń uıymdastyrýshysy men belsendi qatysýshylary sottyń sanksııasymen qamaýǵa alyndy», dep jazylǵan aqparatta.