Uzynkólde ótken merekelik is-shara kezinde toq soqqan qyz qaıtys boldy. Aýdan ortalyǵynda Jastar kúni aıasynda uıymdastyrylǵan oıyn-saýyq baǵdarlamasyna búldirshinderge kózqýanysh, qyzyq kórinetin merekelik kóbik shashý rásimi de engen. Kóbik shashýdyń arty qaıǵyly oqıǵaǵa ulasyp, 9 jastaǵy jas órim aýrýhanaǵa túsken.
Artynsha asa aýyr jaǵdaıda jatqan jetkinshek oblystyq balalar aýrýhanasyna jetkizilip, Densaýlyq saqtaý mınıstrligi Astana qalasynan joǵary bilikti eki dáriger jibergen bolatyn. Polısııa oqys oqıǵaǵa baılanysty qylmystyq is qozǵap, tergeý jumystaryn bastaǵan. Qaýipsizdik sharalaryn qadaǵalaı almaǵan Uzynkól aýdanynyń ákimi qatań tártiptik jaýapqa tartyldy. Al ákimniń orynbasary men merekelik is-sharanyń uıymdastyrylýyna tikeleı jaýapty maman qyzmetinen bosatyldy.
О́kinishke qaraı, dárigerler ajalǵa arasha túse almady, 12 qyrkúıekte jetkinshektiń qaıtys bolǵany týraly sýyq habar aldyq. Polısııa kóbik shashý keshinde kámeletke tolmaǵan balany elektr toǵynyń soǵýy týraly sotqa deıingi tergeýdi qaıta qarap jatyr.
Oblystyq PD baspasóz qyzmetiniń málimeti boıynsha, Uzynkóldegi oqıǵaǵa qatysty tergeý buǵan deıin Qylmystyq kodekstiń «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý» qylmysyn qarastyratyn 306-babtyń 2-bólimine sáıkes júrgizilip kelse, endi abaısyzda adam ólimine ákep soqtyrǵan is-áreket retinde osy baptyń 3-bólimine aýystyrylǵan.
Bul bap boıynsha balanyń ólimine kináliler tórt jyldan segiz jylǵa deıin bas bostandyǵynan aıyrylýy múmkin.
Qostanaı oblysy