«Uly dala joryǵy» marafon-báıgesiniń 11-kezeńi aıaqtaldy, dep habarlaıdy Egemen.kz Joryq at sporty federasııasyna silteme jasap.
Shabandozdar 11-kezeńdi Qyzylorda oblysynyń Shıeli aýdanynda aıaqtady. Bul kezeńde kómbege Túrkistan oblysynyń komandasy jetti. 11-kezeńde aqtóbelik shabandozdar ekinshi bolyp jetse, Qostanaı oblysynyń komandasy úshtikti túıindedi.
Osylaısha Astanada bastalǵan mamafon-báıgeniń 1050 shaqyrymy artta qaldy, kómbege deıin qalǵany – 250 shaqyrym. Ár kezeń saıyn attary boldyryp, shabandozdary sharshaǵan komandalar marafonna shyǵyp qalyp jatyr. 12 kezeńde kútpegen jaǵdaı oryn aldy. Byltyrǵy «Uly dala joryǵy» marafon-báıgesiniń chempıony Mańǵystaý oblysynyń «Kókmoınaq» komandasynyń kapıtany aty boldyrǵandyqtan joryqty jalǵastyrýdan bas tartty. Onyń komandalastary da attaryn ary qaraı qınaýdy jón kórmeı biraýyzdan jarystan shyǵatyndaryn málimdedi. Uıymdastyrýshylar da mańǵystaýlyq shabandozdardyń 11 kezeńde jalpy esepte kósh bastap, tek 3 kezeń qalǵanda tosyn málimdeme jasaǵan mańǵystaýlyqtarǵa tańdanysyn bildirdi.
«Biz úshin báıgeniń júldesi emes, sáıgúlikterimizdiń amandyǵy mańyzdy», dedi Mańǵystaý oblysynyń shabandozdary.