Maǵynaly sapar, mańyzdy kelisim

Atap aıtqanda, Prezıdent «Mastercard» kompanııasynyń atqarýshy vıse-prezıdenti Nıkola Vıllany qabyl­dady. Kezdesý barysynda qarjy sek­toryn, IT salasyn damytý, sondaı-aq shaǵyn jáne orta bıznestiń sıfrlyq quzyretin arttyrý baǵyttaryndaǵy ynty­maqtastyqtyń keleshegi talqy­landy. Bul kompanııa TMD-daǵy, Ortalyq jáne Shyǵys Eýropadaǵy konsaltıngtik baǵytty damytý úshin Almaty qalasyn óńirlik hab retinde tańdap otyr. Sondaı-aq Sıfrlyq damý jáne aeroǵarysh ónerkásibi mınıstrligi men «Mastercard» kompanııasy arasynda osy jáne ózge de bastamalar qamtylǵan «Digital Country Partnership» (DCP) negizdemelik kelisimine qol qoıyldy.

«Mastercard» – álemniń 210 elindegi 2,3 mıllıardtan astam tutynýshyny biryńǵaı tólem júıesine qosqan jahan­dyq jetekshi tehnologııalyq kompanııa. Naryqtaǵy quny 390 mlrd dollardan asatyn «Mastercard» álemdegi eń qymbat 10 brendtiń qataryna kiredi.

Kezdesýden keıin Sıfrlyq damý, ınnovasııalar jáne aeroǵarysh óner­ká­sibi mınıstri Baǵdat Mýsın Mem­leket basshy­sy­nyń «Mastercard» kompa­nııasynyń atqarý­shy vıse-prezıdentimen ótkizgen kezde­sýiniń nátıjesi jóninde pikir bildirdi.

«Memleket basshysy Qasym-Jomart Toqaev bıylǵy Joldaýynda eldi sıfr­landyrýdy, IT salasyn damytý­­dy, Qazaqstandy IT memleketke aınal­dyrýdy naqty tapsyrdy. Búgin «Mastersard»-pen kezdesý aıasynda atal­ǵan kompanııamen birlesip, «Digital Country Partnership» degen qujatqa qol qoıdyq. Onyń qandaı artyqshylyǵy bar? Elimizge qandaı serpin beredi? Birinshiden, «Mastersard» – óte úlken, iri dıdjıtal sıfrlyq kompanııa. Olar Qazaqstandy dúnıejúzindegi memleketterdiń ishinen úshinshi oryn retinde aýmaqtyq, óńirlik hab retinde tańdap otyr. Iаǵnı Almatyda sıfrlyq ónimderdi damytý jáne basqa elderge taratý boıynsha aımaqtyq hab qurady», dedi mınıstr.

Vedomstvo basshysynyń aıtýynsha, elektrondy úkimet jáne basqa da IT ónimderimizdi shetelderge taratý, sıfr­landyrýdy nasıhattaý «Mastersard» platformasy arqyly júrgiziledi. «Basqa da baǵyttarǵa kelisimderge qol jetkizdik. Mysaly, «Mastersard» ulttyq tólemderdi qalyptastyrýǵa kómektesedi. Sonymen qatar bıznesterdi sıfrlandyrý boıynsha konsaltıng qurýǵa atsalysady. Budan bólek, sıfrlandyrýdy ári qaraı ilgeriletýge qolushyn sozady», dedi B.Mýsın.

Budan keıin Memleket basshysy Qasym-Jomart Toqaev «Amazon» korporasııasynyń vıse-prezıdenti Sıýzan Poıntermen kezdesti. Kelis­sózder kezinde «bultty» tehnologııalardy damytýǵa jáne data-ortalyqtar qurylysyna qatysty ózara tıimdi yntymaqtastyqtyń múmkindikteri talqylandy.

Kezdesý aıasynda Qazaqstannyń Sıfrlyq damý jáne aeroǵarysh ónerkásibi mınıstrligi («UAT» AQ) men «Amazon Web Services» arasynda «Outpost» «bultty» tehnologııa sheshimin satyp alý jáne ony «QazTech» platformasymen ıntegrasııalaý jónin­degi pılottyq jobany iske qosý týraly kelisimge qol qoıyldy.

Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń aıtýynsha, atalǵan bultty tehnologııa egov-tyń birqatar qyzmetiniń jumysyn jetildirýge qoldanylmaq.

«Prezıdentimiz «Amazon web services» kompanııasynyń basshylyǵymen kezdesti. Onda bulttyq tehnologııanyń, IT salasynyń jáne sıfrlandyrýdy damytýdaǵy máseleler talqylandy. Naqty aıta ketsek, elimizge Amazon web services-diń Outpost degen sheshimi qazaq­standyqtyq egov qyzmetiniń birqatar qyzmetin bulttyq tehnologııalar aıasyn­da júrgizý talqylandy. Kelisimshartqa qol jetkizdik. Iаǵnı búginnen bastap «Amazon web services» tehnologııalary bizdiń egov birneshe qyzmetinde paıdalanylady», dedi B.Mýsın.

Sonymen qatar Memleket basshysy Qasym-Jomart Toqaev «GE Healthcare» kompanııasynyń Eýropa, Taıaý Shyǵys jáne Afrıka boıynsha prezıdenti Rob Ýoltonmen kezdesti.

«GE Healthsare» kompanııasynyń álemniń 140-tan astam elinde ókildigi bar. 2022 jyly kompanııanyń taza tabysy – 19 mlrd dollar. Al naryqtaǵy quny 34,5 mlrd dollardy qurady. Kezdesý aıasynda Qazaqstan Respýblıkasynyń Úkimeti men «GE Healthcare» arasynda «GE Healthcare» kompanııasynyń ınvestısııalyq jobasyn júzege asyrýǵa qatysty negizgi sharttar týraly negizdemelik kelisimge qol qoıyldy.

Densaýlyq saqtaý mınıstri Ajar Ǵınııattyń sózine súıensek, Astana medısınalyq ýnıversıteti bazasynda «GE Healthcare» akademııasy ashylmaq. Sondaı-aq ýltradybys apparat­tary óndirisiniń jergilikti úlesin art­­tyrý jáne aldaǵy ýaqytta kompıýter­­­lik tomografııa, angıografııa jáne mammografııa qurylǵylaryn shyǵarý josparlanǵan.

«Memleket basshysy Qasym-Jomart Toqaevtyń densaýlyq saqtaý salasyna ınvestısııa tartý, otandyq óndiristi damytý jónindegi tapsyrmasyna sáıkes, búgin amerıkalyq «GE Healthcare» kompanııa­symen úlken kelisimge qol qoıyldy. Atal­ǵan kompanııa – dúnıejúzinde medısına­­lyq apparattar, qural-jabdyqtar shyǵara­tyn eń úzdik jetekshi kásiporynnyń biri. Júz jyldyq tájirıbesi bar. Búkil dúnıejúziniń medısınalyq uıymdaryn apparattarmen, qural-jabdyqtarmen qamtamasyz etedi.

Elimizde de medısınalyq mekemelerde dárigerler osyndaı apparattarmen jumys isteıdi. Keıingi 10 jylda úsh myńǵa jýyq qural-jabdyq satyp alyndy. Elimizde 80-ge jýyq óndirýshiniń ártúrli qural-jabdyq apparattary tirkelgen. Bul úlken kelisim boıynsha, elimizde úlken apparattar, ásirese ýltradybystyq apparattar, kompıýterlik tomograf apparattary óndirilmek. Sonymen qatar olardy jóndeıtin servıstik qyzmet ortalyǵy jumys isteıdi. Buǵan qosa, GE akademııasy ashylyp, medısınalyq qyzmetkerler, bıoınjenerler daıyndalyp, elimizdiń kadr áleýeti kóteriledi. GE kompanııasymen birge medısına salasynadǵy ártúrli dıagnostıkalyq apparattardyń barlyq sýretteri jınalyp, úlken ulttyq arhıv jasalynady. Ári qaraı densaýlyq saqtaý salasynda dıagnostıkany jaqsartatyn joba qarastyrylyp jatyr. Bul kelisimniń aıasynda elimizge keletin ınvestısııanyń kólemi 60 mln dollardy quraıdy. Kelisim boıynsha jasalǵan jumys densaýlyq saqtaý salasyn ári qaraı deńgeıin kóteredi», dedi A.Ǵınııat.