Zańsyz balyq aýlaǵan Taldyqorǵan qalasynyń turǵyny ustaldy, dep habarlaıdy Egemen.kz.
Zhetysu.police ınstagram paraqshasyndaǵy málimet boıynsha, 43 jastaǵy er adam basqarǵan BMW avtokóliginde polıseıler zańsyz aýlanǵan balyqty tárkilegen. Balyqtardyń biri QR Qyzyl kitabyna engen bekire tuqymdas balyq bolyp shyqqan.
Atalǵan avtokólik Taldyqorǵan-Úshtóbe tas jolynyń 40 shaqyrymynda ustalǵan.
«Saraptama tárkilengen bekire tuqymdas pilmaı balyq ekenin rastady. Boljam boıynsha, ustalǵan adam Qaratal ózeniniń tómengi aǵysynda balyq aýlaýǵa tyıym salynǵan jerde balyq aýlaǵan. Qazir sotqa deıingi tergeý amaldary bastaldy», dedi Jetisý oblysy PD tabıǵatty qorǵaý polısııasynyń aǵa ınspektory Baǵlan Rymjanov.