Memleket basshysynyń ókimimen Zúlfııa Bolatqyzy Súleımenova Qazaqstan Respýblıkasy Prezıdentiniń keńesshisi – Prezıdenttiń halyqaralyq ekologııalyq yntymaqtastyq jónindegi arnaýly ókili laýazymyna taǵaıyndaldy, dep habarlaıdy Egemen.kz Aqordanyń baspasóz qyzmetine silteme jasap.
Zúlfııa Súleımenova 1990 jyly Aqtóbe qalasynda dúnıege kelgen. L.Gýmılev atyndaǵy Eýrazııa ulttyq ýnıversıtetiniń túlegi. Prezıdenttik jastar kadrlyq rezerviniń múshesi.
Eńbek jolyn 2014 jyly Jahandyq saıasat jáne qaýipsizdik ortalyǵynyń О́ńirlik jáne jahandyq qaýipsizdik bóliminiń ǵylymı qyzmetkeri laýazymynan bastady.
2020 jylǵy qańtar aıynan bastap 2021 jylǵy qańtar aıy aralyǵynda Qazaqstan Respýblıkasy Ekologııa, geologııa jáne tabıǵı resýrstar mınıstrligi Ekologııalyq saıasat jáne turaqty damý departamenti men Klımattyq saıasat jáne jasyl tehnologııalar departamentiniń dırektor orynbasary laýazymdarynda jumys atqardy.
2021 jylǵy qańtar aıynan bastap 2022 jylǵy naýryz aıy aralyǵynda Qazaqstan Respýblıkasy Parlament Májilisiniń depýtaty boldy.
2022 jyly Qazaqstan Respýblıkasy Ekologııa, geologııa jáne tabıǵı resýrstar vıse-mınıstri boldy.
2023 jyly 4 qańtarda Memleket basshysynyń Jarlyǵymen Qazaqstan Respýblıkasynyń Ekologııa, geologııa jáne tabıǵı resýrstar mınıstri bolyp taǵaıyndaldy.
Eske salaıyq, Zúlfııa Súleımenova bıyl 1 qyrkúıekte Ekologııa, geologııa jáne tabıǵı resýrstar mınıstri laýazymynan bosatylǵan edi.