Sıqyrshynyń jańa rekordy

Gınnestiń rekordtar kita­byna buǵan deıin de eki ret engen ıllıýzıonıst Jeńis Aıtjanov osydan eki jyl bu­ry­n saýsaqtarynyń arasynda bir tıyndy toqtaýsyz 55 sekýnd ishinde 55 ret aınal­dyryp, eldi tańǵaldyrǵan edi. Osy jazda tórt tıyndy saý­saqtarynyń arasynda 14 ret 60 sekýnd ishinde shyr aınaldyrsa, ony álemniń men degen ıllıýzıonısteri de qaıtalaı almaı otyr. Sol joly sıqyrshy tıynǵa qatysty trıý­gin shyńdap, úshinshi rekordyna daıyndalyp júrgenin jet­kiz­gen bolatyn.

Alaıda bul joly Jeńis Aıtjanov múlde jańa qyrynan tanyldy. Qala kúni qarsańynda Gınnes rekordtar kitabynyń ókilderi shaqyryp, otanda­symyzdyń jańa rekordyn res­mı túrde tirkedi. Endigi jetistiktiń tıyndar men sırk trıýkterine eshqandaı qatysy joq.

Sıqyrshy Almatynyń týǵan kúnine 5040 rýbık ký­bık­­ten turatyn alyp mozaıka qu­ras­tyrdy. Qala kúnine ar­nalǵan qaıtalanbas kompozısııada «Qazaqstan» qonaqúıi beı­nelengen.

«Mundaı mozaıkanyń ıdeıa­­­sy men sıýjeti bir jarym jyl buryn oıyma keldi. Biz óz komandamyzben bul bas­tamanyń tujyrymy qandaı bolady, alyp mozaıka úshin qalamyzdyń qandaı kórikti jerin tańdaı alamyz degen saýaldar tóńireginde uzaq oı­lastyq. Menińshe, bizdiń bul ju­mysymyz almatylyqtarǵa unady. Almatyny aralaýǵa kel­gen qala qonaqtary sýretke túsetin kórikti meken bolýǵa su­­ra­nyp tur», deıdi Jeńis Aıt­janov.

Qazirdiń ózinde mozaıkalyq polotno ońtústik astana tur­ǵyndaryna unaıtyny baı­qalady. Onyń aıǵaǵy rekordshy jigit myń san alǵys pen qut­tyqtaýlarǵa bólenip otyr.

Tańǵajaıyptarǵa senetin sı­qyrshy repertýaryndaǵy fo­kýs­tarynyń jartysynyń av­tory ózi bolǵandyqtan, el de onyń ónerin shy­naıy dep esep­teıdi.

ALMATY