Germanıaǵa resmı saparmen barǵan Memleket basshysy Qasym-Jomart Toqaev Euler Hermes agenttiginiń basqarma múshesi Edna Shıoneni qabyldady, dep habarlaıdy Egemen.kz Aqordanyń baspasóz qyzmetine silteme jasap.
«Kezdesý barysynda ekonomıkalyq yntymaqtastyqty odan ári nyǵaıtý, sonyń ishinde qarjylyq saqtandyrý salasynda birlesken jobalardy ázirleý, tájirıbe almasý jáne oqý baǵdarlamalaryn uıymdastyrý múmkindikteri qarastyryldy. Memleket basshysy Euler Hermes agenttiginiń Qazaqstan úshin mańyzdy seriktes ekenine nazar aýdardy. Kompanııa kredıtti saqtandyrý isinde jahandyq kóshbasshy sanalady jáne keshendi qarjylyq sheshimder jasaıtyn álemdegi eń iri kompanııalardyń biri – Allianz Group tobynyń quramyna kiredi. Qasym-Jomart Toqaevqa Qazaqstan damý banki men Helaba banki arasynda Qarjylyq yntymaqtastyq týraly kelisimge qol qoıylǵany jóninde málimet berildi», delingen habarlamada.
Osy kelisim boıynsha aldaǵy ýaqytta AltynAlmas Reagents kompanııasynyń sıanıd natrıı óndiretin hımııalyq zaýyt salý úshin 100 mıllıon eýro bólý sharýasy júzege asyrylady.