Sybaılas jemqorlyqqa qarsy is-qımyl agenttigi densaýlyq saqtaý salasyndaǵy jemqorlyq táýekelderine syrtqy taldaýdy bastady, dep habarlaıdy Egemen.kz vedomstvonyń baspasóz qyzmetine silteme jasap.
Taldaý sheńberinde medısınalyq buıymdardy satyp alý, aýrýhanalar men emhanalardy salý jáne jóndeý, sondaı-aq medısınalyq mekemeler qyzmetkerleriniń eńbegine aqy tóleý qory jáne «SQ-Farmasııa» JShS qyzmeti máseleleri zertteledi.
Taldaý Agenttiktiń, Densaýlyq saqtaý mınıstrliginiń, múddeli memlekettik organdardyń qyzmetkerlerimen jáne azamattyq qoǵam ókilderimen júrgiziledi.
«Eger Sizde sybaılas jemqorlyq táýekelderi týraly aqparat bolsa nemese densaýlyq saqtaý salasyn jetildirý boıynsha usynystar bolsa olardy elektrondyq poshtaǵa jiberýińizge bolady abdrakhmanov.n@antikor.gov.kz» delingen ANTIKOR habarlamasynda.