Bashpaıyn bas barmaqtyń ornyna salyp berdi

Bul operasııalardy Almatydaǵy №2 balalar qalalyq klınıkalyq aýrýhana­synyń travmatolog-mıkrohırýrg­teri men áıgili mıkrohırýrg, Máskeý qala­lyq RHDÝ travmatologııa jáne orto­­pe­dııa kafedrasynyń professory Igor Golýbevpen birge jasady. Al­ty bir­deı kishkentaı ómirdi ózgert­ken kúr­deli mıkrohırýrgııalyq operasııa­lar «Dobro­volnoe obshestvo «Mıloserdıe» qo­ǵamdyq qory men Al­maty qalasy Qo­ǵam­dyq densaýlyq saqtaý basqar­ma­synyń uıymdastyrýymen ótken úsh kúndik she­berlik-dáristeri aıasynda atqarylǵanyn aıta ketken jón.

Al 1,5 jasar balanyń ájesi Mıra Qa­lıbekova: «Nemeremniń týǵan kezde oń qolynyń bilegi bolmady, sol qolynyń bas barmaǵy jetilmegen eken. Qyzym «DOM» qoǵamdyq qoryna júginip, medısınalyq tekserýden keıin dárigerler aıaqtaǵy bashpaıdy sol qolǵa aýystyryp salýǵa bolatynyn aıtypty. Endi osy operasııadan keıin nemerem sol qolymen de ydysyn ustap, oınaı alady. Mektepke barǵan kezinde eki qolymen kitap, dápterin ustap, jaza alatyn boldy dep qýanyp otyrmyz», deıdi.

«Múbárak oń qol aplazııasy jáne sol qoldyń birinshi jáne ekinshi saýsaq­tarynyń ushy joq bolyp dúnıege kelgen. Bala degen júredi, oınaıdy, ata-anasy oń bilegine kosmetıkalyq protezge tapsyrys bergen eken. Al bashpaıdy qolǵa aýystyrý operasııasy 8 saǵatqa sozyldy. Endi bala qalpyna kelýi qajet. Mundaǵy barlyq operasııalar ártúrli sıpatta boldy. Naýqastardyń ishinde týabitti keselder, jaraqattan paıda bolǵan jaǵdaılar da bar», deıdi №2 Balalar qalalyq klını­kalyq aýrýhanasynyń dırektory Marat Raban­dııarov.

Al sheberlik-dáristerine osy aýrýhana­nyń 20 shaqty mamany qatysty. Aıaq-qoldarynda týabitti jáne júre paı­da bolǵan kemistikteri bar barlyq bala­nyń ishinen dárigerler konsılıýmy ope­rasııa jasaý úshin alty pasıentti tańdaǵan. «Mundaı sheberlik dáristerin dárigerlerdiń kásibıligi men bas serik­tesimiz – «Samruk-Kazyna Trust» áleý­mettik jobalardy damytý qorynyń qol­daýynsyz atqarý múmkin bolmas edi», deıdi «Dobrovolnoe obshes­tvo «Mı­loser­dıe» qoǵamdyq qorynyń negizin qa­laýshy Arýjan Saın.

ALMATY