Kóshpeli keńestegi kósheli másele

Ulytaý aımaǵyndaǵy týrızm­di damytý máselesi qaralǵan jıynǵa Parlament Májilisiniń depýtaty, keńes tóraǵasynyń orynbasary J.Áshimjan, Uly­taý oblysy máslıhatynyń tór­aǵasy B.Shyńǵysov, Ulytaý ob­lysy ákiminiń orynbasary D.Rys­pekov, keńestiń óńirlik mú­she­leri, zııaly qaýym ókilderi qa­tysty.

A.Áltaı jıynǵa qatysýshy­lardy aımaqta týrızmdi damy­týdyń jaı-kúıine qatysty je­tistikti ǵana emes, kedergi kel­ti­­retin máselelerdi de ortaǵa sa­­­lýdy usyndy. Oblys ákiminiń oryn­­basary D.Ryspekovtiń baıan­dama­synan óńirde aýyz toltyryp aıtarlyqtaı eshteńe joqtyǵy ańǵaryldy. Izdenister bar, biraq túıindi tustar kóp.

Ult uıasy atanǵan Ulytaý – ta­rıhı-mádenı eskertkishterge óte baı aımaq. Naqty aıtqanda, oblys aýmaǵynda mundaı eskert­kishter sany 494 desek, sonyń 17-si res­pýblıkalyq mańyzǵa ıe. Sondaı-aq aımaqta 35 qa­sıet­ti nysan bar, munyń 25-i jal­py­ult­tyq ma­ńyzdy nysan bolyp sanalady.

Oblys aýmaǵynda arheo­lo­­gııa­lyq jumystar odan ári júr­­gizilip jatyr. Bul maqsatta bıyl res­pýb­lıkalyq bıýdjetten 54 mln teńge qarajat bólinip, Laqpaı, Aqtas, Qujal, Aqsaı qo­rymdary men Altyn Orda dáýirine jatatyn «Talmas ata» kese­nesiniń mańaıynda qazba jumys­tary jú­rip jatyr. Árıne, aldaǵy ýa­­qytta bul nysandardan tyń ja­­ńalyqtar ashylyp, tý­rıstik baǵytty tolyqtyrýy múm­kin.

Jıynda sóz alyp, oıyn or­taǵa salǵan qoǵam belsendisi A.Súleımenov, Ulytaý aýda­ny­­­nyń Qurmetti azamaty, eń­bek ardageri Sh.Úmbetov, qol­óner sheberi, «Bileýti» etno­aýy­­­­lynyń jetekshisi K.Baı­dil­­dınov, «Ulytaý» ulttyq mý­­zeı-qo­ry­ǵynyń basshysy Á.Kú­­zer­baev, t.b. óńirde tý­­rızmdi da­­mytý­dyń keshendi jospary, naq­ty jo­ba­sy jasalmaı otyr­ǵanyna qyn­jylys bildirdi.

Týrızmdi damytý úshin jar­qyraǵan jol, qoljetimdi baılanys, sapaly servıs kerek desek, osy úsheýi de oblysta bir jaǵyna qaraı qısaıyp jatyr. Qomaqty qarjyǵa salynǵan Joshyhan ke­sheniniń de keleshegi bulyńǵyr tartyp barady. О́ıtkeni munda ǵy­lymı-zertteý jumystarymen aı­nalysýǵa múldem múmkindik joq. Jıynǵa qatysýshylar Má­jilistiń qos depýtatyna osy­ǵan tikeleı aralasýdy usy­nyp, m­á­seleni sheshýdi tapsyrdy.

Ataǵy dardaı Han ordasynyń hal-kúıi qalaı? Alystan at aryltyp jetken týrıst sol jerge bar­ǵanda ne kóredi? Terekti áýlıe es­kertkishiniń múldem qaraýsyz jatýyn qalaı túsinýge bolady? Qa­raýsyzdyqtyń saldarynan bul jerdegi tasqa basylǵan sýretter, petroglıfter joıylyp ketpeı me? Ishki týrızmdi damytýdyń ózi jolǵa qoıylmaǵan. Jezqazǵan – Qyzylorda, Jezqazǵan – Arqalyq kólik joldarynyń nasharlyǵy da týrızmdi damytýǵa kedergi keltirip otyrǵany túsinikti. Biraq týrıstik baǵyttardy anyq­tap, jol boıynda kempıngter, sa­nı­tarlyq-gıgıenalyq toraptar, qarapaıym dárethanalar salýǵa bolmaı ma? О́kinishke qaraı, ob­lys­ta mundaı jumystar da áli qol­ǵa alynbaǵan.

Keńeske qatysýshylar osyndaı tolǵaqty máselelerdi ortaǵa saldy. Jıyn qorytysynda oblys basshylyǵyna birqatar usy­nys joldandy.

Jezqazǵan