El Prezıdenti maquldap, Úkimet bekitken «Ulytaý oblysyn áleýmettik-ekonomıkalyq damytýdyń 2022-2026 jyldarǵa arnalǵan keshendi jospary» aıasynda kózdelgen is-sharalardyń biri – oblys ortalyǵynyń elimizdiń basqa óńirlerimen áýe joly arqyly baılanysyn qamtamasyz etý bolatyn. Buǵan deıin qalyptasqan Astana, Almaty, Qaraǵandy qalalarymen áýe arqyly qatynas qataryna endi Shymkent qalasy da qosyldy.
О́ıtkeni 11 qazannan bastap «Shymkent – Jezqazǵan – Shymkent» baǵyty boıynsha áýe reısi «QAZAQ AIR» áýe kompanııasynyń kanadalyq «De-Havilland Dash 8-Q400» zamanýı ushaǵy arqyly ázirge aptasyna eki ret, sársenbi, jeksenbi kúnderi qatynaıtyn bolady.
Bul baǵytty oblys ákimdigi bıýdjet qarjysy esebinen sýbsıdııa jasaý arqyly júzege asyrady.
– Bılet quny 15 myń teńge bolyp belgilendi. 14 jasqa tolmaǵan balalar elý paıyz jeńildikti paıdalana alady. Bizdiń oıymyzsha bul – qaltaǵa salmaq túsirmeıtin baǵa, – deıdi Ulytaý oblysy jolaýshylar kóligi jáne avtokólik joldary basqarmasynyń bólim basshysy Ernur Edilbaev.
Buryn Ulytaý jaqtan Shymkentke tikeleı avtokólik te, poıyz da qatynamaǵanyn eskersek, baratyn jerge bar-joǵy 1 saǵat 40 mınýtta zyr etkizetin ushaqtyń bılet baǵasy shynynda da qymbat deýge kelmeıdi.
Aldaǵy ýaqytta Jezqazǵan áýejaıynan san baǵytqa ushatyn ushaqtar kóbeıe túspek. О́ıtkeni qazir oblys basshylyǵy halyq suranysyna sáıkes О́skemen, Balqash, Aqtaý qalalaryna áýe qatynasyn jolǵa qoıý máselesi retteý baǵytynda jumys istep jatyr.
Ulytaý oblysy