Oblys ortalyǵy Qonaev qalasynyń Mádenıet úıinde óńir turǵyndarymen kezdesken Energetıka vıse-mınıstri Álibek Jamaýov otyn-energetıka keshinindegi búgingi jaǵdaı men júzege asyp jatqan jobalar jaıynan habardar etti.
Kezdesýdi kirispe sózben ashqan oblystyq energetıka jáne turǵyn úı-kommýnaldyq sharýashylyq basqarmasynyń basshysy Ashat Berdihanov aımaqtaǵy gazdandyrý jumystaryna toqtaldy.
«О́ńirimizde 149 eldi meken kógildir otynǵa qosylǵan. Bıylǵy jyly 18 aýylda qurylys-montaj jumystary júrgizilip, bul maqsatqa bıýdjetten 3,5 mlrd teńge bólindi. Jyldyń sońyna deıin 7 nysan iske qosylatyn bolady. Oǵan qosa 42 jobalyq-smetalyq qujattamany ázirleýge oblystyq bıýdjetten 595,0 mln teńge bólindi. Sonymen qatar suıytylǵan gazben qamtamasyz etýmen oblys aýmaǵynda tirkelgen 19 akkredıttelgen gaz jelisi mekemesi jumys isteıdi. Aı saıyn oblysqa 6 myń tonna shamasynda gaz bólinedi. Qajettilik 10 myń tonna bolǵanda, jetispeıtin kólemi kommersııalyq suıytylǵan gazben jabylady», degen basqarma basshysy qazirgi tańda barlyq gaz jelisi uıymdary osy jyldyń 4-toqsanyna gaz jetkizý úshin zaýyttarmen kelisimshart jasasqanyn atady.
«Elektr jáne jylý energııasymen qamtamasyz etý – mınıstrliktiń negizgi mindetteriniń biri», degen Energetıka vıse-mınıstri 9 aıdyń qorytyndysynda óńirde elektr energııasyn óndirý kólemi – 5,1 mlrd kVt saǵatty qurasa, tutyný mólsheri 8,9 mlrd kVt saǵatqa jetkenin málimdedi.
Oblysta elektr energııasyn shekti tarıfter boıynsha ótkizetin 2 energııa óndirýshi uıym – «Almaty elektr stansalary» AQ men «Moınaq GES» AQ-y bar. Elektr jelisiniń fızıkalyq tozýy 93 paıyzdy quraıdy. Oblys halqy úshin elektr energııasynyń kepildik berýshi jetkizýshisi «AlmatyEnergoSbyt» JShS bolyp tabylady. Oblys jańartylatyn energııa kózderin damytýdyń joǵary áleýetine ıe. О́ńirde 10 jylý elektr stansasy, 7 sý elektr stansasy, 6 kún elektr stansasy jumys isteıdi. 2027 jylǵa deıin qýattylyǵy 11,9 MVt bolatyn 4 nysannyń qurylysyn salý josparlanýda.
Sondaı-aq kúzgi dala jumystaryn turaqty júrgizý maqsatynda oblystyń aýyl sharýashylyǵy taýaryn óndirýshiler úshin lıtri 250 teńgeden bekitilgen 7,1 myń tonna dızel otyny bólinip, 2,6 myń tonnasy jóneltilgendigi tilge tıek boldy.
Memleket basshysynyń tapsyrmasyna sáıkes Básekelestikti qorǵaý jáne damytý agenttigi memlekettik retteýdi belgilep, suıytylǵan gazdyń shekti bólshek saýda baǵasyn bekitken. Oblysta suıytylǵan gazdyń shekti bólshek saýda baǵasy 1 lıtr úshin 81-86 teńgeni quraıdy. О́ńirde 8 gaz toltyrý jáne 236 avtomobılge gaz quıý stansasy qyzmet kórsetedi.
Kezdesýde Álibek Jumabekuly mınıstrlik tarapynan uzaqmerzimdi baǵa turaqtylyǵyn jáne baǵanyń kóterilýi men alypsatarlyqqa jol bermeýdi qamtamasyz ete otyryp, suıytylǵan gaz naryǵyn reformalaý boıynsha sharalar qabyldanyp jatqanyn atap ótti. «Atalǵan máselelerdiń barlyǵy Úkimettiń turaqty baqylaýynda», degen vıse-mınıstr turǵyndardyń tolǵaqty saýaldaryna jaýap qaıyryp, kóterilgen máselelerdiń nazardan tys qalmaıtyndyǵyna sendirdi.
Almaty oblysy