Áriptestiktiń jańa baǵyty

Ǵalymjan Qoıshybaev Qa­zaqstan men Birikken Arab Ámir­­likteri arasyndaǵy ynty­maq­tastyqtyń joǵary deń­geıde ekenin atap ótti. Barlyq baǵyttaǵy turaqty baı­lanys saıası, saýda-ekonomıkalyq jáne mádenı-gýma­nı­tarlyq salalardaǵy ekijaqty áriptestikti odan ári ny­ǵaı­týǵa yqpal etýde.

Memlekettik basqarý salasyn­daǵy ózara is-qımyl Úkimet­ara­lyq yntymaqtastyqtyń jańa baǵdary retinde aıqyndaldy. Atap aıtqanda, osy jyldyń aqpan aıynda Dýbaı qalasynda qol qoıylǵan Damý jáne jańǵyrtý salasyndaǵy yntymaqtastyq týraly memorandým aıasynda «Úkimetter arasynda tájirıbe almasý baǵdarlamasy» boıynsha jumys bastaldy. Qazaqstan men BAÁ-niń sarapshy toptary memlekettik basqarýdyń tıim­di­li­gin arttyrý, jasandy ıntellekt, baǵdarlamalaý, týrızm jáne smart-qyzmetter sııaq­ty ózara is-qımyldyń pers­pektıvalyq baǵyttaryn anyq­ta­dy.

«Qazaqstan ózara aqparat jáne paıdaly tájirıbe almasý arqyly memlekettik basqarý salasyndaǵy yntymaqtastyqty jalǵastyrýǵa múddeli», dedi Ǵ. Qoıshybaev.

Kezdesý aıasynda Sıfrlyq damý, ınnovasııalar jáne aero­ǵarysh ónerkásibi birinshi vıse-mınıstri Qanysh Tóleýshın arab tarapyna Qazaqstannyń sıfr­landyrý salasyndaǵy je­tis­tikterin, atap aıtqanda, «e-government», Smart Data Uki­met ınfraqurylymyn, Orta­lyq Azııadaǵy Astana Hub iri halyqaralyq tehnoparkiniń jumysyn kór­setti.

О́z tarapynan M. Ál-Gargaýı bizdegi áriptesterine BAÁ Úkime­tiniń memlekettik basqarý júıe­sinde qoldanylatyn sıfrlyq sheshimderdi tanystyrdy.

Kezdesý sońynda taraptar basym baǵyttar boıynsha tyǵyz ózara is-qımyldy odan ári jalǵas­ty­rýǵa ýaǵdalasty.