Majarstannyń bas shahary Býdapeshte ótip jatqan álem chempıonatynda karateden Qazaqstan quramasy úsh medal jeńip aldy. Bul týraly Ulttyq olımpıada komıtetiniń resmı saıty habarlady, dep jazady Egemen.kz.
50 kelige deıingi salmaqta Qazaqstan sportshysy Móldir Jańbyrbaı elimizdiń tarıhynda karateden tuńǵysh ret álem chempıonatynda qurama qorjynyna altyn medal saldy.
60 kelige deıingi salmaq boıynsha Qaısar Alpysbaı kúmis júldeni qańjyǵasyna baılady, al, 67 kg deıingi salmaq dárejesindegi Dıdar Ámiráli álem chempıonatynyń qola júldesine qol jetkizdi.