«RoboLand 2023»: Oqýshylardyń oı jarysy

«Roboland» festıvali Qaraǵandyda 2015 jyldan beri ótip keledi. Búgingi kúni dástúrge aınalǵan. 2016 jyldan bastap halyqaralyq mártebege ıe boldy. Osy ýaqytqa deıin Reseı, Qyrǵyzstan, О́zbekstan, Serbııa, Polsha, Italııa, Grekııadan kelgen jas tehnıka bilgirleri óner kórsetken edi. Jyl ótken saıyn festıvaldyń da aýqymy keńeıip jatyr.

Bıylǵy fetıvaldyń ózgesheligi sol, jasóspirimdermen qatar pedagogter de qatysty. Muǵalimder Roboland Kazakhstan sanatynda óz sheberlikterin kórsetti.

Pavlodardan kelgen «Satýrn» ro­bo­t­tehnıka mektebiniń 2-synyp oqý­shysy «Bolashaqtyń mektebin» oı­lap taýypty. «Bizdiń mektep múmkindigi shekteýli balalarǵa arnalǵan. Olar sa­baqqa lıftimen kóterilý arqyly bara alady», deıdi Qaısar Qaıyrjanov.

О́skemennen jetekshisimen kelgen Shyńǵys Muhamedhanovtyń «Robot Vallı retteýshi» jobasy mektepten úıine keshqurym qaıtatyn balalarǵa arnalǵan. «Vallı kesh batqanda jaryq jaǵyp, kólikti toqtatady. Eger kólik qatty kele jatsa, al bala joldan ótip bara jatsa, Vallı dereý jolǵa shyǵyp, jaryq jaǵady. Ol kóliktiń kele jatqanyn alystan sezedi. Jol-kólik apatynan saqtaıdy», deıdi Sh.Muhamedhanov. 

Al RoboLand-2023 kórmesine Bish­kekten kelgen 18 jastaǵy Rınat Sovetqanov «jeti jyldan astam robottehnıkamen aınalysyp kelemin, ónertabysqa degen súıispenshilikti oıatyp, sońynda baǵdarlamalaý jáne 3D modeldeý jobalaryna qatystym» deıdi. Festıvaldyń irikteýine 1 100-den asa komanda qatysqan. Fınaldyń ózinde alty eldiń 300-den astam komandasy baq synady.

Dástúrge aınalǵan festıval­dyń tóreshiler tobyn Halyqaralyq sporttyq jáne bilim berý robottehnıkasy qaýymdastyǵynyń prezıdenti Maksım Vasılev basqarady.

– Jyl saıyn festıvaldyń aýqymy artyp keledi. «RoboLand» ár­­túrli elderdiń robottehnıkalyq shy­ǵarmashylyǵynyń seriktesterin biriktiredi. Mundaı festıvaldarda jeńis emes, qatysý mańyzdy. Negizgi syılyq – bul jerde balalardyń alatyn bilimi. Olar tájirıbe almasady, basqa qatysýshylardyń jumysta­ryn, tehnıkalyq tásilderin kóredi. Leonardo da Vınchı kartınalarmen qatar, tikushaqtyń prototıpterin jáne basqa da tehnıkalyq ónertabystardy jasady. Bul da – shyǵarmashylyq. Ol tek ádemi tehnologııany ǵana emes, ońtaıly jumys isteıtin utymdy tehnologııany jasaýǵa baǵyttaldy, – deıdi bas tóreshi.

«RoboLand-2023» kórmesine kel­gen sheteldik qonaqtar qata­rynda Portýgalııadaǵy Mınho ýnıver­sı­tetiniń ókili, professor Fernando Rıbeıro da bar.

– Jas qatysýshylardyń robot­teh­nıkaǵa qumar bolýy – mańyzdy. Olar jas bolǵanymen, ne qalaıtynda­ryn bilip, soǵan qýanatyny jaqsy. Osyndaı festıvaldar arqyly óskeleń urpaqqa kóńil bólinedi. О́ıtkeni olar – bizdiń bolashaǵymyz. Basqa elderde tehnıkalyq salanyń qalaı damyp jatqany meni únemi qyzyqtyrady. Biz elimizde osy baǵyttaǵy bilim berý jobalaryna balalardy qyzyqtyrýǵa tyrysamyz. Qazirgi tańda RoboParty uıymdastyrýdamyz, – deıdi F.Rıbeıro.

 Joǵaryda atap ótkenimizdeı, «Robo­Land 2023» halyqaralyq festıva­lindegi jalpy komandalyq esepte qaraǵandylyq órender jeńiske jetti. Ekinshi oryn О́zbekstan eline buıyrsa, Mańǵystaý oblysynyń oqýshylary úshinshi oryn ıelendi.

Sońǵy saıysta «Daryn» mektebiniń «Naqty álemdegi STEM tehnologııalar» men «Aqparattyq tehnologııalar» mektebiniń «Robottarman shoýy» úzdik tanyldy. Shahtınsk qalasyndaǵy Oqýshylar saraıynyń  «Robogeometrııa (2-deńgeı)» jobasy R.Qoshqarbaev atyndaǵy orta mektep (Nura aýdany) oqýshylarynyń «Sý robottarynyń labırınti» erekshe kózge tústi. №12 negizgi mektep pen (Osakarov aýdany) №20 mektep-lıseıiniń  (Temirtaý qalasy) «3D prototıpi (2-deńgeı)» jobalary da ozyq úlgiler qatarynan kórindi.

Jeńimpazdarǵa dıplom, mereı­toılyq medal jáne AITAS qazaq­standyq holdınginen jańa zamanaýı smartfon tabystaldy.

Qaraǵandy oblysy