О́ńiraralyq forýmǵa dástúrli túrde eki eldiń shekaralas óńirleriniń ókilderi men kásipkerleri qatysyp jatyr.
Spıkerlerdiń aıtýynsha, Tobyl tórinde bolyp jatqan mańyzdy is-shara kórshiles eki memlekettiń iri kásiporyndary men shaǵyn jáne orta bıznes salasyndaǵy iskerlik áriptestikti nyǵaıtady. Forýmǵa Reseı Federasııasynyń 17 sýbektisi kelgen. Olardyń ishinde Altaı ólkesiniń gýbernatory, Bashqurtstan men Kabardın-Balqar Respýblıkasynyń basshylary da bar. Aıta ketý kerek, ekijaqty taýar aınalymynyń 70%-ke jýyǵy óńirlerdiń úlesine tıesili. Bıyl bul kórsetkish 27 mlrd AQSh dollaryna jetken. Forým aıasynda óńirler men eki eldiń kompanııalary arasynda jańa kelisimderge, memorandýmdar men ózara tıimdi kelisimsharttarǵa qol qoıyldy. Mańyzdy is-shara Reseı men Qazaqstan arasyndaǵy ıntegrasııalyq baılanysty, birlesken saýda-ınvestısııalyq qyzmet pen mádenı-gýmanıtarlyq qarym-qatynasty damytýǵa serpin beredi.