Prezıdent Qasym-Jomart Toqaevtyń ókimderimen «Ońtústik» jáne «Shyǵys» óńirlik qolbasshylyǵy áskerleriniń qolbasshylary taǵaıyndaldy, dep habarlaıdy Egemen.kz Aqordanyń baspasóz qyzmetine silteme jasap.
«Memleket basshysynyń ókimderimen:
Qýanyshbek О́skenbaıuly Úshtaev «Ońtústik» óńirlik qolbasshylyǵy áskerleriniń qolbasshysy bolyp taǵaıyndaldy, ol «Shyǵys» óńirlik qolbasshylyǵy áskerleriniń qolbasshysy laýazymynan bosatyldy;
Jeńis Muhamedqalıuly Maralov «Shyǵys» óńirlik qolbasshylyǵy áskerleriniń qolbasshysy laýazymyna taǵaıyndaldy», delingen aqparatta.
Sondaı-aq Prezıdenttiń ókimimen Mereke Mátimuly Kóshekbaev «Ońtústik» óńirlik qolbasshylyǵy áskerleriniń qolbasshysy laýazymynan bosatyldy.